I Ho 7 - Sơ̆p Hlabơar Nơ̆r 'Bok Kei-Dei

Adrĕch adrung Isakar

¹ Kon drŏ-nglo Isakar: Tôla, Pua, Jasup păng Simrôn, puăn 'nu.

² Kon drŏ-nglo Tôla: Usi, Rêphaia, Jêriel, Jahmai, Ipsam păng Samuel, bơngai yŏng kơdră lăm adrĕch Tôla lu linh bơngai nuih kơtang lăm adrĕch adrung sư lăm chăl Đawit pơgơ̆r, jô̆ đĭ-đăng lu sư đei 'bar-jĭt 'bar-rơbâu tơdrâu-hrĕng 'nu.

³ Kon drŏ-nglo Usi noh Israhia: Kon drŏ-nglo Israhia noh: Mikael, Obađia, Jôel păng Isia, đĭ-đăng pơđăm 'nu, tă kơ pơm yŏng kơdră ngăl.

⁴ Kiơ̆ kơ adrĕch 'bă lu sư đei pêng-jĭt tơdrâu-rơbâu 'nu linh tơblah, lu sư đei akăn lơ păng đei kon lơ.

⁵ Lu bơngai linh nuih kơtang lăm adrĕch Isakar, đĭ-đăng đei tơhngam-jĭt tơpơh-rơbâu 'nu.

Adrĕch adrung Bênjamin

⁶ Pêng 'nu kon drŏ-nglo Bênjamin: Bêla, Bêker păng Jêđiael.

⁷ Kon drŏ-nglo Bêla: Êsbon, Usi, Usiel, Jêrimôt păng Iri, pơđăm 'nu; lu sư yŏng kơdră lăm adrĕch ngăl; jô̆ đĭ lu sư đei 'bar-jĭt 'bar-rơbâu pêng-jĭt puăn 'nu linh tơblah.

⁸ Kon drŏ-nglo Bêker: Sêmira, Jôas, Êliêser, Êliôenai, Ômri, Jêremôt, Abija, Anathôt păng Alêmet, dôm lu sư kon drŏ-nglo Bêker,

⁹ Lu sư lu yŏng kơdră đei chih răk lăm adrĕch păng đei 'bar-jĭt rơbâu 'bar-hrĕng 'nu linh tơblah.

¹⁰ Kon drŏ-nglo Jêđiael noh: Bilhan; Kon drŏ-nglo Bilhan: Jêus, Bênjamin, Êhut, Kênaana, Sêthan, Tarsis păng Ahisahar.

¹¹ Dôm lu kon drŏ-nglo Jêđiael, tă yŏng kơdră lăm adrĕch, lu sư đei mơjĭt-tơpơh rơbâu 'bar-hrĕng 'nu, bơngai nuih gơh năm tơblah ngăl.

¹² Na đei dơ̆ng Suppit păng Hupim, kon sâu Ir; păng Husim kon sâu Aher.

Adrĕch adrung Neptali

¹³ Kon drŏ-nglo Neptali: Jaseel, Guni, Jeser păng Silem, kon sâu yă Bila.

Adrĕch adrung Mamase

¹⁴ Kon sâu Manase noh: Asriel, kon akăn kơnhŏng Manase bơngai Aram sư tơpŭ kơ Makir 'bă kơ Gileat.

¹⁵ Makir chă akăn oei kơ bơngai Hupim păng Suppit, oh drŏ-kăn sư anăn Maaka. Kon sâu anăn sư Sêlôphêhat; sư đei kon drŏ-kăn ngăl đĕch,

¹⁶ Maaka akăn Makir sư tơpŭ đei minh 'nu kon drŏ-nglo, krao anăn sư Pêres; oh sư anăn Sêres, Sêres pơjing kơ kon drŏ-nglo noh Ulam păng Rakem.

¹⁷ Kon drŏ-nglo Ulam noh: Bêđan. 'Noh boih kon drŏ-nglo Gileat, sâu Makir, sâu i Manase.

¹⁸ Oh drŏ-kăn Gileat, noh Hammôleket, pơjing Ishôt, Abiêser păng Mahla.

¹⁹ Kon drŏ-nglo Sêmiđa noh: Ahian, Sichem, Likhi păng Aniam.

Adrĕch adrung Êphraim

²⁰ Kon sâu Êphraim: Suthela. Kon drŏ-nglo Suthela noh: Bêrê. Kon drŏ-nglo Bêrê noh: Tahat. Kon drŏ-nglo Tahat noh: Êlêađa. Kon drŏ-nglo Êlêađa noh: Tahat.

²¹ Kon drŏ-nglo Tahat noh: Sabat. Kon drŏ-nglo Sabat noh: Suthêla, Êser păng Êleat; bre âu bơngai teh đak Gat pơlôch, yua kơ lu sư jur tơtông sem dơrong.

²² Êphraim 'bă lu sư, nhơ̆m hmoi đunh măng năr; đei 'nhŏng oh sư năm ngôi pơlung sư.

²³ Sư oei hơdai hăm akăn sư, akăn sư anăp tơpŭ kơ minh 'nu kon drŏ-nglo, krao anăn sư Bêria, yua kơ hnam dơnŏ sư đei tơdrong răm truh.

²⁴ Kon drŏ-kăn sư anăn Sêera; sư man pơjing pơlei Bêt Hôrôn tơ kơpơ̆ng păng tơ gah ala, hăm pơlei Usên Sêera.

²⁵ Na sư tơpŭ dơ̆ng kơ Rêpha; Rêpha pơjing kơ Reslep păng Têla; Têla pơjing kơ Tahan;

²⁶ Tahan pơjing Lađan; Lađan pơjing Ammihut; Ammihut pơjing Êlisama;

²⁷ Êlisama pơjing Nun; Nun pơjing Jôsuê.

²⁸ Teh jang păng anih lu sư oei noh tơ Bethel păng lu pơlei iĕ jum dăr; Gah hơlĕch đei pơlei Naaran păng gah bơmơ̆t đei pơlei Geser hăm lu pơlei iĕ, đei đơ̆ng Pơlei Sichem păng pơlei sư truh tơ pơlei Aya păng lu pơlei iĕ sư.

²⁹ Pơrok kiơ̆ kơ hơdral Manase đei pơlei Bêt Sêan păng lu pơlei iĕ sư, pơlei Tanak, pơlei Mêgiđô, pơlei Đôr păng lu pơlei iĕ lu sư. Kon sâu Jôsep, kon drŏ-nglo Isơrael oei tơ dôm pơlei 'nâu.

Adrĕch adrung Aser

³⁰ Kon drŏ-nglo Aser: Imna, Iswa, Iswi, Bêria păng Sêra oh drŏ-kăn lu sư.

³¹ Kon drŏ-nglo Bêria: Hêber păng Malkien; Malkien 'bă kơ Birsait.

³² Hêber pơjing Japhlet, Sơmer, Hôtham păng Sua noh oh drŏ-kăn lu sư.

³³ Kon drŏ-nglo Japhlet noh: Pasak, Bimhal păng Aswat. 'Noh boih lu kon drŏ-nglo Japhlet.

³⁴ Kon drŏ-nglo Sômer: Ahi, Rôhga, Jêhuba, păng Aram.

³⁵ Kon drŏ-nglo Hêlem oh sư noh: Sôpha, Imna, Sêles păng Amal.

³⁶ Kon drŏ-nglo Sôpha: Sua, Harnêpher, Sual, Bêri, Imra,

³⁷ Bêser, Hôt, Samma, Silsa, Ithran păng Beera.

³⁸ Kon drŏ-nglo Jêther: Jêphunê, Phispa, păng Ara.

³⁹ Kon drŏ-nglo Ula: Arah, Haniel păng Risia.

⁴⁰ Dôm lu bơngai 'noh kon sâu Aser; pơm yŏng kơdră lăm adrĕch, mă đei rơih iŏk, lu sư linh tơblah nuih kơtang, wei-lăng păng pơm yŏng kơdră pơgơ̆r. Lu bơngai mă pơm linh tơblah, kiơ̆ kơ adrĕch adrung lu sư đei chih jô̆ 'bar-jĭt tơdrâu-rơbâu 'nu.