I Ho 6 - Sơ̆p Hlabơar Nơ̆r 'Bok Kei-Dei

Adrĕch adrung Lêwi

¹ Adrĕch adrung Lêwi kon drŏ-nglo Lêwi noh: Gersôm, Kôhat păng Mêrari.

² Kon drŏ-nglo Kôhat noh: Amram, Ishar, Hêbrôn păng Usiel.

³ Kon drŏ-nglo Amram noh: Arôn, Môis păng Miriam. Kon drŏ-nglo Arôn: Nađap, Abihu, Êlêasar păng Ithamar.

⁴ Êlêasar pơjing Phinêhas; Phinêhas pơjing Abisua;

⁵ Abisua pơjing Buki, Buki pơjing Usi;

⁶ Usi pơjing Sêrahia; Sêrahia pơjing Mêraiôt,

⁷ Mêraiôt pơjing Amaria, Amaria pơjing Ahitup;

⁸ Ahitup pơjing Sađôk; Sađôk pơjing Ahimaas.

⁹ Ahimaas pơjing Asaria; Asaria pơjing Jôhanan;

¹⁰ Jôhanan pơjing Asaria, bơngai mă pơm 'bok soi lăm hnam akŭm Sôlômôn man tơ pơlei Jêrusalem.

¹¹ Asaria pơjing Amaria; Amaria pơjing Ahitup

¹² Ahitup pơjing Sađôk, Sađôk pơjing Sallum,

¹³ Sallum pơjing Hilkia, Hilkia pơjing Asaria;

¹⁴ Asaria pơjing Sêraia păng Sêraia pơjing Jêhôsađak;

¹⁵ Jêhôsađak đe rôp pơm đĭch đam kơplah Kră Yang ăn kon pơlei Juđa păng Jêrusalem lăm ti Nebukatnessar.

¹⁶ Kon drŏ-nglo Lêwi noh: Gersôm, Kôhat, păng Mêrari.

¹⁷ 'Nâu anăn lu kon drŏ-nglo Gersôm: Lipni păng Simêi.

¹⁸ Kon drŏ-nglo Kôhat noh: Amram, Ishar, Hêbrôn, păng Usiel.

¹⁹ Kon drŏ-nglo Mêrari noh: Mali păng Musi. 'Noh boih lu adrĕch bơngai Lêwi kiơ̆ kơ adrĕch 'bă sư.

²⁰ Kon drŏ-nglo Gersôm noh: Lipni kon drŏ-nglo Lipni noh: Jahat; kon drŏ-nglo Jahat noh: Simma, kon drŏ-nglo Simma noh: Jôa,

²¹ kon drŏ-nglo Jôa noh: Iđô, kon drŏ-nglo Iđô noh: Sêra, kon drŏ-nglo Sêra noh: Jêatherai.

²² Kon sâu Kôhat noh: Aminađap: Kon drŏ-nglo Aminađap noh: Kôra. Kon drŏ-nglo Kôra noh: Assir. Kon drŏ-nglo Assir noh: Êlkana.

²³ Kon drŏ-nglo Êlkana noh: Êbiasap. Kon drŏ-nglo Êbiasap noh: Assir.

²⁴ Kon drŏ-nglo Assir noh: Tahat. Kon drŏ-nglo Tahat noh: Uriel. Kon drŏ-nglo Uriel noh: Usia. Kon drŏ-nglo Usia noh: Saul.

²⁵ Kon sâu Êlkana noh: Amasai păng Ahimôt.

²⁶ Kon drŏ-nglo Êlkana noh: Sôphai. Kon drŏ-nglo Sôphai noh: Nahat.

²⁷ Kon drŏ-nglo Nahat noh: Êliap. Kon drŏ-nglo Êliap noh: Jêrôham. Kon drŏ-nglo Jêrôham noh: Êlkana. Kon drŏ-nglo Êlkana noh: Samuel.

²⁸ Kon drŏ-nglo Samuel: Kon drŏ-nglo kơdră sư Jôel, kon mă 'bar sư Abija.

²⁹ Kon drŏ-nglo Mêrari noh: Mahli. Kon drŏ-nglo Mahli noh: Lipni. Kon drŏ-nglo Lipni noh: Simêi. Kon drŏ-nglo Simêi noh: Usa.

³⁰ Kon drŏ-nglo Usa noh: Simêi. Kon drŏ-nglo Simêi noh: Hagia. Kon drŏ-nglo Hagia noh: Asaia.

Lu bơngai hơri lăm Hnam Kră Yang

³¹ 'Nâu lu khŭl bơngai hơri mă pơtao Đawit đei pôk dan wă hơri bơnê lăm hnam akŭm Kră Yang đơ̆ng rŏng kơ hom pơgơ̆p đe dan lăm noh.

³² Lu sư bơ̆jang hơri bơnê 'bơ̆t anăp anih akŭm dĭng truh tơ pơtao Sôlômôn man keh, hnam akŭm kơkuh Kră Yang tơ Jêrusalem: Rim 'nu kơ lu sư bơ̆jang kiơ̆ tơdrong jang mă đei pơjao.

³³ 'Nâu lu bơngai bơ̆jang hơdai hăm kon drŏ-nglo lu sư: Lăm kon sâu Kôhat: Đei Hêman bơngai gơh hơri, kon drŏ-nglo Jôel, Jôel kon drŏ-nglo Samuel,

³⁴ Samuel kon drŏ-nglo Êlkana, Êlkana kon drŏ-nglo Jêrôham, Jêrôham kon drŏ-nglo Êliel, Êliel kon drŏ-nglo Tôa,

³⁵ Tôa kon drŏ-nglo Suphơ, Suphơ kon drŏ-nglo Êlkana, Êlkana kon drŏ-nglo Mahat, Mahat kon drŏ-nglo Amasai,

³⁶ Amasai kon drŏ-nglo Êlkana, Êlkana kon drŏ-nglo Jôel, Jôel kon drŏ-nglo Asaria, Asaria kon drŏ-nglo Sephania,

³⁷ Sephania kon drŏ-nglo Tahat, Tahat kon drŏ-nglo Assir, Assir kon drŏ-nglo Êbiasap, Êbiasap kon drŏ-nglo Kôra,

³⁸ Kôra kon drŏ-nglo Ishar, Ishar kon drŏ-nglo Kôhat, Kôhat kon drŏ-nglo Lêwi, Lêwi kon drŏ-nglo Isơrael.

³⁹ Asap, 'nhŏng oh Hêman, bơ̆jang gah 'ma kơ sư. Asap kon drŏ-nglo Bêrekia, Bêrekia kon drŏ-nglo Simêa,

⁴⁰ Simêa kon drŏ-nglo Mikael, Mikael kon drŏ-nglo Baseria, Baseria kon drŏ-nglo Malkija.

⁴¹ Malkija kon drŏ-nglo Etni, Etni kon drŏ-nglo Sêra, Sêra kon drŏ-nglo Ađaia,

⁴² Ađaia kon drŏ-nglo Êthan, Êthan kon drŏ-nglo Simma, Simma kon drŏ-nglo Simêi,

⁴³ Simêi kon drŏ-nglo Jahat, Jahat kon drŏ-nglo Gersôm, Gersôm kon drŏ-nglo Lêwi.

⁴⁴ Đơ̆ng lu kon sâu Mêrari, 'nhŏng oh lu sư, bơ̆jang gah 'ngiĕo kơ sư noh: Êthan kon drŏ-nglo Kisi, Kisi kon drŏ-nglo Apđi, Apđi kon drŏ-nglo Maluk,

⁴⁵ Maluk kon drŏ-nglo Hasabia, Hasabia kon drŏ-nglo Amasia, Amasia kon drŏ-nglo Hilkia,

⁴⁶ Hilkia kon drŏ-nglo Amsi, Amsi kon drŏ-nglo Bani, Bani kon drŏ-nglo Sêmer,

⁴⁷ Sêmer kon drŏ-nglo Mahli, Mahli kon drŏ-nglo Musi, Musi kon drŏ-nglo Mêrari, Mêrari kon drŏ-nglo Lêwi.

⁴⁸ Lu 'nhŏng oh sư nai bơngai Lêwi, bơ̆jang tơdrong jang lăm anih akŭm Kră Yang 'Bok Kei-Dei.

⁴⁹ Mă-lei Arôn păng lu kon sâu sư pơyơ̆r tơmam soi 'buh tơ kơpal chơnang soi, dah tơ kơpal chơnang soh pơgang 'bâu phu, jang tơdrong jang tơ lăm Anih Rơgoh, pơyơ̆r tơmam soi huai đơ̆ng yoch ăn kơ bơngai Isơrael, kiơ̆ thoi tơdrong Môis đĭch đam Kră Yang 'Bok Kei-Dei đei bơtho pơkă.

Adrĕch adrung Arôn

⁵⁰ 'Nâu adrĕch adrung Arôn: Êlêasar kon drŏ-nglo Arôn, Phinêhas kon drŏ-nglo Êlêasar, Abisua kon drŏ-nglo Phinêhas,

⁵¹ Buki kon drŏ-nglo Abisua, Usi kon drŏ-nglo Buki, Sêrahia kon drŏ-nglo Usi,

⁵² Mêraiôt kon drŏ-nglo Sêrahia, Amaria kon drŏ-nglo Mêraiôt, Ahitup kon drŏ-nglo Amaria,

⁵³ Sađôk kon drŏ-nglo Ahitup, Ahimaas kon drŏ-nglo Sađôk.

⁵⁴ 'Nâu tơring teh đak kon sâu Arôn oei, kiơ̆ kơ adrĕch Kôhat đei hlang lăng trŏ kơ lu sư.

⁵⁵ Pơjao ăn kơ lu sư pơlei Hêbrôn tơ lăm dêh Juđa păng tơ'măn 'nhĕt jum dăr.

⁵⁶ Mă-lei teh mir na jum dăr pơlei Hêbrôn păng lu pơlei iĕ 'noh pơjao ăn kơ Kalep kon drŏ-nglo Jêphunê.

⁵⁷ Na kon sâu Arôn đei ăn lu pơlei anih ôn kơ'nơp, 'noh pơlei Hêbrôn, Lipna, Jatir Êthemôa;

⁵⁸ Hilen, Đêbir,

⁵⁹ Asan, Juta, Bêt Sêmes păng dơnih 'nhĕt lu sư.

⁶⁰ Iŏk đơ̆ng adrĕch Bênjamin pơjao ăn kơ lu sư pơlei Gêba, Alêmet, Anahôt, păng dơnih 'nhĕt lu sư. Đĭ-đăng đei mơjĭt-pêng tŏ pơlei tih, ăn kiơ̆ kơ adrĕch adrung lu sư.

⁶¹ Kon sâu Kôhat mă oei đei đơ̆ng rŏng hlang lăng đei mơjĭt tŏ pơlei đơ̆ng lăm minh puăt adrĕch Manase.

⁶² Kon sâu Gersôm, kiơ̆ kơ adrĕch lu sư đei mơjĭt-pêng tŏ pơlei đơ̆ng lăm adrĕch Isakar, Aser, Neptali, păng minh puăt đơ̆ng adrĕch Manase tơ tơring Basan.

⁶³ Kon sâu Mêrari, kiơ̆ kơ adrĕch lu sư, dai hlang lăng đei mơjĭt-'bar tŏ pơlei, iŏk đơ̆ng adrĕch Rubên, adrĕch Gat păng adrĕch Sabulôn.

⁶⁴ Bơngai Isơrael asong ăn kơ bơngai Lêwi pơlei păng dơnih 'nhĕt teh lu sư,

⁶⁵ Đơ̆ng bơngai Juđa bơngai Simêôn, păng bơngai Bênjamin, lu sư đei lu pơlei kơpal noh.

⁶⁶ Mơ'nah lu bơngai Kôhat đei lu pơlei iŏk đơ̆ng lăm adrĕch Êphraim;

⁶⁷ Lu sư đei pơlei ôn kơ'nơp, 'noh Pơlei Sichem hăm dơnih 'nhĕt sư, tơ kơpal kông Êphraim, Geser hăm,

⁶⁸ Jôkmêam, Bêt Hôrôn.

⁶⁹ Aijalôn, Gat Rimmôn hăm dơnih 'nhĕt lu sư;

⁷⁰ păng đơ̆ng lăm minh puăt bơngai Manase đei asong pơlei Ane, Bilêam hăm dơnih 'nhĕt sư. Đe asong pơlei 'noh ăn kơ lu bơngai adrĕch Kôhat mă oei ưh tam mă đei.

⁷¹ Kon sâu Gersôm iŏk đơ̆ng minh puăt adrĕch Manase, pơlei Gôlan tơring Basan hăm dơnih 'nhĕt sư Astarôt hăm dơnih 'nhĕt sư;

⁷² Đơ̆ng adrĕch Isakar, lu sư đei pơlei Kêđes, Đabêrat;

⁷³ pơlei Ramôt, pơlei Anem hăm dơnih 'nhĕt lu sư;

⁷⁴ đơ̆ng adrĕch Aser, lu sư đei Masal, Apđôn,

⁷⁵ Hukô, Rêhôp hăm dơnih 'nhĕt lu sư;

⁷⁶ Đơ̆ng adrĕch Naptali lu sư đei pơlei Kêđes lăm char Galilê, pơlei Hammôn păng pơlei Kiriathaim hăm dơnih 'nhĕt lu sư.

⁷⁷ Kon sâu Mêrari mă oei oei iŏk đơ̆ng adrĕch Sabulôn pơlei Rimônô hăm dơnih 'nhĕt sư; Thabô hăm dơnih 'nhĕt sư;

⁷⁸ Đơ̆ng adrĕch Rubên paih to kơ đak Krong Jôrđăn gah hơlĕch, jê̆ Jêrikô pơlei Bêser lăm thŭng dơnă hăm dơnih 'nhĕt sư; pơlei Jasa hăm dơnih 'nhĕt sư.

⁷⁹ Kêđêmôt păng Mêphaat hăm dơnih 'nhĕt sư.

⁸⁰ Păng đơ̆ng adrĕch Gat, lu sư đei pơlei Ramôt lăm tơring Gileat, pơlei Mahanaim,

⁸¹ pơlei Hesbôn Jaser, hăm dơnih 'nhĕt sư.