I Ho 3 - Sơ̆p Hlabơar Nơ̆r 'Bok Kei-Dei

Adrĕch adrung Đawit

¹ 'Nâu dôm lu kon drŏ-nglo Đawit tơpŭ tơ Hêbrôn: Kon drŏ-nglo kơdră sư Amnôn mĕ sư Ahinôam bơngai Jêsreel; kon mă 'bar noh Đaniel mĕ sư Abigail bơngai Karmel,

² mă pêng, Apsalôm kon drŏ-nglo mĕ sư Maaka, kon drŏ-kăn Tanmai pơtao dêh Gêsur; mă puăn Ađônija, kon drŏ-nglo mĕ sư Hagit;

³ mă pơđăm Sêphatia, kon drŏ-nglo mĕ sư Abitan; mă tơdrâu Itrêam kon drŏ-nglo Egla.

⁴ Tơdrâu 'nu kon drŏ-nglo 'nâu tơpŭ ăn kơ Đawit tơ Hêbrôn; sư pơgơ̆r tơpơh sơnăm tơdrâu khei. Đawit pơgơ̆r tơ Jêrusalem pêng-jĭt pêng sơnăm.

⁵ 'Nâu dôm lu kon drŏ-nglo mă đei tơpŭ ăn kơ Đawit tơ Jêrusalem: Simêa, Sôbap, Nathan păng Sôlômôn, puăn 'nu âu, mĕ lu sư Batsêba, kon drŏ-kăn Ammiel.

⁶ Sư đei dơ̆ng kon drŏ-nglo: Iphar, Êlisua, Êliphêlet,

⁷ Nôga, Nêphet, Japhia,

⁸ Êlisama, Êliađa păng Êliphêlet, đĭ-đăng tơsĭn 'nu.

⁹ 'Noh dôm lu kon drŏ-nglo Đawit tam mă jô̆ lu kon drŏ-nglo akăn kơ 'nhŏng sư; păng Tamar oh drŏ-kăn lu sư.

Pơtao đe Juđa

¹⁰ Kon drŏ-nglo Sôlômôn noh Rêhôbôam; kon drŏ-nglo Rêhôbôam noh Abija, kon drŏ-nglo Abija noh Asa, kon drŏ-nglo Asa noh Jêhôsaphat,

¹¹ kon drŏ-nglo Jêhôsaphat noh Jêhôram, kon drŏ-nglo Jêhôram noh Ahasia, kon drŏ-nglo Ahasia noh Jôas;

¹² kon drŏ-nglo Jôas noh Amasia, kon drŏ-nglo Amasia noh Asaria,

¹³ kon drŏ-nglo Asria noh Jôtham, kon drŏ-nglo Jôtham noh Ahas, kon drŏ-nglo Ahas noh Hesekia, kon drŏ-nglo Hesekia noh Manase,

¹⁴ kon drŏ-nglo Manase noh Ammôn, kon drŏ-nglo Ammôn noh Jôsia.

¹⁵ Kon drŏ-nglo Jôsia: Kon drŏ-nglo kơdră sư Jôhanan; kon mă 'bar noh Jêhôiakim, mă pêng noh Sêđekia, kon mă puăn noh Sallum.

¹⁶ Kon drŏ-nglo Jêhôiakim noh: Jêkônia, păng Sêđekia.

¹⁷ Kon drŏ-nglo Jêkônia kơplah sư pơm bơnă tơ Babilôn, noh Salathiêl,

¹⁸ Malkiram, Phêđaia, Sênasar, Jêkamia, Hôsama păng Nêđabia.

¹⁹ Kon drŏ-nglo Phêđaia noh: Sêrubabêl păng Simêi. Kon drŏ-nglo Sêrubabêl noh: Mêsulam păng Hanania; Sêlômit oh drŏ-kăn lu sư.

²⁰ Kŭm đei pơđăm 'nu kon drŏ-nglo dơ̆ng noh: Hasuba, Ôhêl, Bêrekia, Hasađia, Jusap Hêset.

²¹ Lu kon sâu Hanania noh: Phêlatia păng Jêsaia kư̆m đei lu kon drŏ-nglo Rêphaia, kon drŏ-nglo Arnan, kon drŏ-nglo Ôbađia, păng kon drŏ-nglo Sêkania.

²² Kon sâu Sêkani noh: Sêmaia păng lu kon drŏ-nglo sư: Hattus, Igal, Baria, Nêaria păng Saphat, đĭ-đăng tơdrâu 'nu.

²³ Kon drŏ-nglo Nêaria noh: Êliôenai, Hiskia păng Asrikam, đĭ-đăng pêng 'nu.

²⁴ Kon drŏ-nglo Êliôenai noh: Hôđawia, Êliasip, Phêlaia, Akup, Jôhanan, Đêlaia, păng Anani, đĭ-đăng tơpơh 'nu.