Horiso 95 - Sơ̆p Hlabơar Nơ̆r 'Bok Kei-Dei

Hơri bơnê kơ Kră Yang

¹ Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;

² Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.

³ Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

⁴ Đĭ-đăng sơlŭng jrŭb tơ lăm teh tơ lăm ti Sư, Dôm lu wĕch kông kư̆m gah Sư.

⁵ Đak dơsĭ kư̆m tơmam sư, yua kơ đơ̆ng Sư pơjing; Gah teh hrĕng kro, kư̆m đơ̆ng ti Sư man,

⁶ Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

⁷ Yua kơ Sư boih Kră Yang 'Bok Kei-Dei bơ̆n. Lu bơ̆n jing kon pơlei oei lăm dơnih 'nhĕt Sư. Păng jing triu kiơ̆ kơ ti Sư chông anhăk. Năr âu tơdah iĕm kơtơ̆ng nơ̆r Sư,

⁸ Jơhngơ̆m iĕm 'nĕ pă arăng thoi tơ Mêriba. Thoi lăm năr tơ Masa lăm char 'blach.

⁹ Kơplah noh lu 'bok yă iĕm pơlong lăng Inh, lu sư pơlong Inh, Mă 'bôh boih tơdrong jang Inh pơm.

¹⁰ Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

¹¹ Yua kơ noh na Inh hil păng pơkă khan: “Lu sư ưh kơ đei layơ mơ̆t pơdơh lăm tơdrong hiôk Inh.”