Horiso 63 - Sơ̆p Hlabơar Nơ̆r 'Bok Kei-Dei

Rơhing kơ Kră Yang 'Bok Kei-Dei

¹ Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

² 'Bôh tơdrong mơyang păng, tơdrong ư-ang Ih. Thoi inh 'bôh Ih lăm anih rơgoh.

³ Yua kơ tơdrong 'mêm Ih, Gĭt hloh kơ tơdrong arih; Hơkŭng inh bơnê ư-ang kơ Ih.

⁴ Thoi noh, inh gô hơri bơnê kơ Ih đĭ chăl arih inh; Hăm anăn Ih inh gô yơ̆r ti krao khan.

⁵ Bơhngol inh phĭ thoi lĕ sa 'ngăl păng rơmă. 'Bơ̆r inh gô ư-ang hăm hơkŭng hơri bơnê kơ Ih.

⁶ Kơplah inh 'bĭch kơpal giơng inh 'blŏk kơ Ih. Na inh kral gak prăt măng tơchĕng kơ Ih ling-lang

⁷ Yua kơ Ih đei tơgŭm inh boih, Ala yơ̆p pơnăr Ih na inh gô hơri chơt hiôk.

⁸ Bơhngol inh oei kơjăp lăm Ih, ti 'ma Ih tơgŭm tơiung inh.

⁹ Lu đe bu chă wă pơrăm tơdrong arih inh. Gô jur tơ jrŭ ala teha sŭng.

¹⁰ Lu sư noh gô jao kơ đe koh sư hăm đao gưm wă pơm 'nhĕm ăn kơ kŏ bri sa.

¹¹ Mă-lei pơtao gô chơt hiôk lăm Kră Yang 'Bok Kei-Dei. Bu pơkă hăm anăn Kră Yang gô pôk pơư kơ Kră Yang; Yua kơ Sư gô chĭt lê̆ 'bơ̆r lu bơngai pơma plêl.