Horiso 58 - Sơ̆p Hlabơar Nơ̆r 'Bok Kei-Dei

Apinh Kră Yang phak lu bơngai pơm kơnê̆

¹ Ơ lu drŏ-nglo kon bơngai, lu iĕm ngăn hăm trŏ pơma 'lơ̆ng tơpăt ưh? Lu iĕm sek tơlang kon bơngai tơpăt hă?

² Ưh ôh lăm jơhngơ̆m iĕm tơchĕng tơdrong kơnê̆, na ti iĕm pơm kơnê̆a Tơ lăm teh đak.

³ Lu bơngai pơm kơnê̆ đei đơ̆ng oei lăm klak mĕ sư. Lu sư pơma hơlĕnh plêl iŏk đơ̆ng 'nao tơpŭ.

⁴ Hơkăm lu sư thoi hơkăm 'bih: Lu sư thoi 'bih dong klĭk chĭt lê̆ đon sư.

⁵ Ưh pă 'maih mơ̆ng nơ̆r bơngai pơhlŭ; Mă pơhlŭ hơlĕnh hơgei dang yơ.

⁶ Ơ Kră Yang 'Bok Kei-Dei, apinh ih gơ̆ lê̆ hơnĕnh đơ̆ng 'bơ̆r lu sư. Ơ Kră Yang, apinh gơ̆ lê̆ grĕng dăm-brang mơlôh.

⁷ Ăn kơ lu sư hiong, thoi đak pơhoch! Dah sư tah 'brơ̆m rĕng, pơm kơ 'brơ̆m noh tŭl.

⁸ Ăn kơ lu sư thoi hơbâu hiong biŏng năm tơ nai. Kŭm thoi nge đe tơhuŏng rơngăt. Ưh kơ 'bôh măt 'năr!

⁹ Adrol kơ pla ŭnh truh tơ gŏ lu iĕm. Kră Yang 'Bok Kei-Dei ăn kial hơbŭt tih pơđông lê̆ hơpaih. Mă oei hơdrih dah ŭnh oei sa.

¹⁰ Lu bơngai tơpăt gô chơt hiôk dah lu sư 'bôh tơdrong pơm tơwih, kơ bơngai kơnê̆. Lu sư gô tong jơ̆ng tơ pham lu bơngai kơnê̆.

¹¹ Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”