Horiso 54 - Sơ̆p Hlabơar Nơ̆r 'Bok Kei-Dei

Krao khan kơ Kră Yang tơgŭm dŏng đơ̆ng lu ayăt

¹ Ơ Kră Yang 'Bok Kei-Dei! Hăm anăn Ih pơklaih inh. Yua tơdrong mơsêh Ih sek dŏng inh tơpăt.

² Ơ Kră Yang 'Bok Kei-Dei, apinh Ih mơ̆ng nơ̆r inh krao khan. Pơgling đon Ih, mơ̆ng nơ̆r đơ̆ng 'bơ̆r inh krao khan.

³ Yua kơ bơngai tơmoia blah inh; Bơngai kơnê̆ chă wă pơrăm tơdrong arih inh.b Lu sư ưh kơ tơchĕng kơ Kră Yang 'Bok Kei-Dei ôh, Sêla

⁴ 'Nâu, Kră Yang 'Bok Kei-Dei boih tơgŭm dŏng inh; Kră Yang boih Tơ'ngla wei bơhngol inh.

⁵ Sư gô pơm tơwihc kơ lu bơngai ayăt kơ inh; Apinh pơlôch bĕ lu sư, kiơ̆ thoi tơdrong 'lơ̆ng tơpăt Ih.

⁶ Ơ Kră Yang, inh gô pơyơ̆r kơ Ih tơmam soi đơ̆ng jơhngơ̆m wă. Kŭm gô hơri bơnê kơ anăn Ih, Yua kơ Anăn Ih 'lơ̆ng rŏ.

⁷ Yua kơ Ih pơklaih inh đơ̆ng dôm tơdrong pơmat-tat; Măt inh 'bôh lu ayăt thuơ kơ inh boih.d