Horiso 51 - Sơ̆p Hlabơar Nơ̆r 'Bok Kei-Dei

Apinh Kră Yang mơnat lê̆ pă jô̆ yoch

¹ Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

² Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

³ Yua kơ inh băt kơ inh đei pơm yoch, tơdrong yoch oei 'bơ̆t anăp inh ling-lang.

⁴ Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

⁵ Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

⁶ Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

⁷ Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

⁸ Ăn bĕ kơ inh tơdrong chơt hiôk 'nă hal. Wă kơ lu kơting kơtong mă Kră Yang gơ̆ lê̆ gô hiôk-hian.

⁹ Ôn muh măt Ih 'nĕ pă lăng tơdrong yoch inh, Păng sut rơgoh đĭ yoch kơnê̆ inh.

¹⁰ Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

¹¹ Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

¹² Apinh Ih ăn kơ inh tơdrong chơt hiôk kơ tơdrong dŏng pơklaih đơ̆ng Ih. Ăn kơ inh đei jơhngơ̆m 'maih kiơ̆ păng tơgŭm hloi inh đei kơjăp inh oei kơjăp.

¹³ Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

¹⁴ Ơ Kră Yang 'Bok Kei-Dei, jơ̆ Kră Yang 'Bok Kei-Dei dŏng pơklaih inh, Apinh ih pơklaih inh đơ̆ng tơdrong tơlĕch pham, Noh na hơpiĕt inh gô hơri bơnê kơ Kră Yang 'lơ̆ng tơpăt.

¹⁵ Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

¹⁶ Yua kơ Ih ưh kơ wă tơmam soi ră mă-lei inh pơyơ̆r boih. Lu tơmam soi 'buh Ih kư̆m ưh kơ lăp đon.

¹⁷ Tơdrong pơm Yang lăp đon Kră Yang 'Bok Kei-Dei noh jơ̆ jơhngơ̆m pơchah. Ơ Kră Yang 'Bok Kei-Dei! Jơhngơ̆m tơbral pơchah Ih kư̆m ưh kơ pơdê.

¹⁸ Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

¹⁹ Dang ei Kră Yang lăp đon kơ tơmam soi 'lơ̆ng tơpăt. Tơmam soi 'buh păng tơmam soi pơyơ̆r 'buh pơkhôi đĭ akâu, Dang ei rơmo dăm gô pơyơ̆r tơ kơpal chơnang soi Ih.