Horiso 48 - Sơ̆p Hlabơar Nơ̆r 'Bok Kei-Dei

Tơdrong 'lơ̆ng rŏ păng tơdrong ư-ang Siôn

¹ Kră Yang jơ̆ Yŏng mơng, trŏ kơ kơkuh. Lăm pơlei 'lơ̆ng Kră Yang 'Bok Kei-Dei bơ̆n, tơ kơpal kông Rơgoh Sư.

² Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

³ Lăm pơlei tih noh, Kră Yang 'Bok Kei-Dei pơdah boih akâu sư kơdih thoi minh anih kơ'nơp kơjăp.

⁴ Yua kơ to lu pơtao pơkă băl. Kŭm wang năm hơdai blah pơlei noh.

⁵ Lu sư truh, 'bôh pơlei Siôn lăng chrêu kơ đon hli, na hăt hot kơdâu ôn.

⁶ Tơ noh lu sư hli tơtơ̆.a Lu sư jĭ jăn pơmat thoi drŏ-kăn tơpŭ.

⁷ Ih yua kial đơ̆ng hơlĕch pơrăm pơchah lu Duk Tarsis

⁸ Tơdrong kiơ̆ mă lu nhôn kơtơ̆ng noh lu nhôn 'bôh boih. Lăm pơlei Kră Yang Tih Hloh. Wă khan lăm pơlei Kră Yang 'Bok Kei-Dei lu nhôn. Kră Yang 'Bok Kei-Dei pơjing boih pơlei noh. Kơjăp ling-lang, ling-lang. Sêla

⁹ Ơ Kră Yang 'Bok Kei-Dei, lăm Hnam akŭm kơkuh kơ Ih. Lu nhôn tơtĭnh 'blŏk kơ tơdrong 'mêm mơnat đơ̆ng Ih.

¹⁰ Ơ Kră Yang 'Bok Kei-Dei, anăn Ih thoi yơ! Na tơdrong kơkuh bơnê kơ Ih, Kŭm thoi noh truh tơ tôch kơ teh đak. Ti 'ma Ih 'bĕnh kơ tơdrong tơpăt.

¹¹ Yua kơ tơdrong Ih sek tơlang, na lu kông Siôn chơt hiôk, Lu kon adruhb Juđa 'nă hal,

¹² Dăr bĕ tăp kơ Siôn yak tăp dăr bĕ kơ pơlei tih. Jô̆ bĕ lu Hnam thôt Sư.

¹³ Lăng hơlen bĕ lu anih kơjăp Sư,c dur kơjăp sư. Wă kơ gơh roi kơ lu bơngai đơ̆ng rŏng dơ̆ng.

¹⁴ Sư boih Kră Yang 'Bok Kei-Dei, 'nâu jơ̆ Kră Yang 'Bok Kei-Dei lu nhôn ling-lang hlŏng hloi. Sư gô chông anhăk nhôn ling-lang hlŏng hloi.d