Horiso 45 - Sơ̆p Hlabơar Nơ̆r 'Bok Kei-Dei

Tơdrong hơri hiôk kơ năr pơkong pơtao

¹ Jơhngơ̆m inh chhôka hăm tơdrongb 'lơ̆ng rŏ. Inh hơri pơđơ̆kc pôk pơư pơang kơ pơtao, Hơpiĕt inh thoi pla 'long chih lu bơngai hơgei chih.

² Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

³ Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

⁴ Hăm tơdrong tơpăt, tơdrong dim iơ̆m păng tơdrong 'lơ̆ng tơpăt, Iŏk bĕ tơdrong tih rŏ Ih năm tŏk kĕ jei, Ti 'ma Ih tơ'bôh dôm tơdrong krưp.

⁵ Lu 'brơ̆m Ih suĕng păng han tơpă, prah 'bơm plei nuih lu ayăt kơ pơtao Kon pơlei gô pơ̆k tơ ala jơ̆ng Ih.

⁶ Ơ Kră Yang 'Bok Kei-Dei, tang-dŏ pơtao Ih oei oei ling-lang. 'Long jra pơgơ̆r dêh char pơtao Ih, jing 'long jra pơgơ̆r tơpăt.

⁷ Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

⁸ Lu ao tai Ih 'bâu phu pơgang, hơliĕng brang păng hol. Đơ̆ng lăm anih pơtao pơm păng bơla đe reh brŏ đei tơlei pơm kơ Ih chơt hiôk.

⁹ Lăm lu drŏ-kăn mă pơtao gĭt noh đei lu bia, Akăn pơtao oei gah 'ma kơ Ih, Pơguăng păng maih Ôphir.f

¹⁰ Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

¹¹ Na pơtao gô hưch wă kơ 'lơ̆ng guăng ih. Yua kơ sư jơ̆ yŏng kơdră ih, Chu yom bĕ kơ sư.

¹² Kon adruhh Tir gô năm ba ăn tơmam, Păng lu bơngai mơdrŏng hloh lăm kon pơlei gô năm apinh tơdrong mơnat ih.

¹³ Kon pơtao lăm anihi pơtao gô ư-ang. Ao tai sư tanh pơgong păng maih,

¹⁴ Sư gô hrŭk ao taij na năm tơ anăp pơtao, Lu adruh hlek jing buăl sư kư̆m năm kiơ̆ đơ̆ng rŏng sư ba sư truh tơ pơtao.l

¹⁵ Đe gô anhăk ba lu sư truh hăm tơdrong chơt hiôk 'nă hal. Mơ̆t tơ anih pơtao.

¹⁶ Lu kon drŏ-nglo ih gô tơplih kơ lu 'bok Ih. Ih gô pơjing lu sư pơm tih pơgơ̆r lăm jơ̆p kơ teh đak.

¹⁷ Inh gô tơ'blŏk kơ anăn Ih, kơ rim chăl. Yua kơ thoi noh lu kon pơlei pơla gô bơnê kơ Ih ling-lang ưh kơ tôch.