Horiso 150 - Sơ̆p Hlabơar Nơ̆r 'Bok Kei-Dei

Hơri bơnê kơ Kră Yang

¹ Halêluya! Bơnê ư-ang bĕ kơ Kră Yang 'Bok Kei-Dei lăm anih 'lơ̆ng rơgoh Sư! Hơri ư-ang bĕ kơ mơsêh mơyang Sư tơ kơpal plĕnh.

² Bơnê ư-ang bĕ kơ Sư yua kơ tơdrong mơsêh mơyang Sư. Bơnê ư-ang bĕ kơ Sư kiơ̆ kơ tơdrong tih krưp Sư.

³ Hlôm bĕ keng bơnê ư-ang kơ Sư. Reh bĕ brŏ dung păng tĭng-nĭng na hơri bơnê kơ Sư.

⁴ Teh bĕ hơgơ̆r chrang păng suang hơri bơnê kơ Sư! Reh brŏ tơlei păng hlôm 'lal, hơri ư-ang kơ Sư.

⁵ Yua bĕ chhar preh hơri ư-ang kơ Sư. Tôn bĕ chĭng chêng mă re hơri ư-ang kơ sư.

⁶ Ăn kơ đĭ lu kon sem brem mă dui jơhngơ̆m,a ư-ang bĕ kơ Kră Yang. Halêluya!