Horiso 14 - Sơ̆p Hlabơar Nơ̆r 'Bok Kei-DeiTơdrong kơtul păng tơdrong kơnê̆ kon bơngai Tơdrong hơri Đawit pơm. Ăn kơ thây bơtho hơri. 1 Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆. 2 Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh? 3 Đĭ-đăng weh tơklah băl, lu sư hiong răm đĭ. Ưh kơ đei bu pơm 'lơ̆ng, Hoh-hoy 'nhŏ kơ minh 'nu. 4 Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh. 5 Lu sư gô đei tơdrong hli krưp tơpă, Yua kơ Kră Yang 'Bok Kei-Dei oei hơdai hăm lu bơngai tơpăt. 6 Lu iĕm pơrăm tơdrong lu bơngai dơnuh tơdă, Mă-lei Kră Yang jơ̆ anih lu sư kơ'nơp. 7 Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal. |
©Bahnar Bible Association. All rights reserved.