Horiso 131 - Sơ̆p Hlabơar Nơ̆r 'Bok Kei-DeiNơ̆r krao khan băt gơnang Tơdrong hơri lu bơngai tŏk năm tơ pơlei 'lơ̆ng rơgoh. Đawit pơm. 1 Ơ Kră Yang, jơhngơ̆m inh huay kơ pơư kơdih, măt inh kư̆m huay kơ pơang. Inh kư̆m ưh kơ chơchă tơdrong tih krưp, dah tơdrong hloh kơ ai hnang. 2 Mă-lei bơhngol inh hiôk hơđơ̆ng. Kŭm thoi kon nge pơdơh kơ mŏm oei cheng mĕ sư. Bơhngol inh hiôk hơđơ̆ng tơ lăm inh kư̆m thoi nge pơdơh kơ mŏm. 3 Ơ Isơrael, gơnang hơmĕng bĕ kơ Kră Yang. Đơ̆ng dang ei dĭng truh tơ ning-mônh. |
©Bahnar Bible Association. All rights reserved.