Horiso 130 - Sơ̆p Hlabơar Nơ̆r 'Bok Kei-Dei

Apinh Kră Yang tơgŭm tơdrong hơri lu bơngai tŏk năm tơ plei 'lơ̆ng rơgoh

¹ Ơ Kră Yang! Đơ̆ng anih jrŭ inh krao apinh Ih.

² Ơ Kră Yang! Apinh Ih mơ̆ng nơ̆r inh; Apinh Ih pơgling đon mơ̆ng nơ̆r inh krao apinh.

³ Ơ Kră Yang, tơdah Ih oei 'blŏk tơdrong kơnê̆ lu nhôn, Lei ơ Kră Yang! Bu gơh oei arih?a

⁴ Mă-lei Ih đei jơhngơ̆m huay kơ jô̆ yo wă kơ đe hli yom kơ Ih.

⁵ Inh chang gô Kră Yang. Bơhngol inh chang gô Sư; Păng inh gơnang hơmĕng kơ nơ̆r Sư.

⁶ Bơhngol inh chang gô Kră Yang hloh kơ linh gak chang hơdah. Hloh kơ linh gak chang hơdah.

⁷ Ơ Isơrael, chang hơmĕng bĕ kơ Kră Yang; Yua kơ Kră Yang 'mêm mơnat Sư ăn tơdrong dŏng pơklaih lơ;

⁸ Kơdih kâu Sư gô huai iŏk Isơrael đơ̆ng dôm tơdrong yoch kơnê̆ lu sư.