Horiso 13 - Sơ̆p Hlabơar Nơ̆r 'Bok Kei-Dei

Krao khan apinh Kră Yang tơgŭm lăm năr pơmat-tat

¹ Ơ Kră Yang, Ih gô hiơt kơ inh dĭng dang yơ? Wă hiơt hlŏng hloi hă? Dĭng dang yơ Ih ôn muh măt Ih kơ inh?

² Bơhngol inh oei wă pơmat-tat dĭng dang yơ? Lăm jơhngơ̆m inh đei ơh sơ'ngon rim năr. Bơngai ayăt kơ inh pôk hơtŏk hloh kơ inh dĭng dang yơ?

³ Ơ Kră Yang, Kră Yang 'Bok Kei-Dei inh apinh Ih lăng inh păng tơl nơ̆r inh, Pơih ăn măt inh hơdah, Hli kơ inh tep lăm lôch răm;

⁴ Hli kơ bơngai ayăt kơ inh khan: “Sư noh jei inh boih.” Lu ayăt kơ inh 'nă hal wă inh pơ̆k huŏng.

⁵ Mă-lei inh gơnang kơ tơdrong 'mêm Ih. Jơhngơ̆m inh chhôk hal kơ tơdrong Ih dŏng pơklaih

⁶ Inh gô hơri bơnê kơ Kră Yang, yua kơ Sư pơm 'lơ̆ng kơ inh.