Horiso 129 - Sơ̆p Hlabơar Nơ̆r 'Bok Kei-Dei

Tơdrong krao khan wă kơ Kră Yang blah lu ayăt kơ Siôn

¹ “Đơ̆ng kơplah inh oei 'lơ̆p lu sư ngăl juăt pơjuă pơđep inh,” Isơrael athei pơma thoi noh.

² “Đơ̆ng kơplah inh oei 'lơ̆p lu sư ngăl pơjuă pơđep inh. Mă-lei ưh kơ jei lu sư ôh.

³ Lu bơngai năm choh, choh rơuơ boih rok kơdŭ rŏng inh. Chrek trong rơuơ kơjung ataih.”

⁴ Kră Yang jơ̆ 'lơ̆ng tơpăt; Sư chơ̆ng lê̆ boih tơlei lu bơngai pơm kơnê̆ chô̆ inh.

⁵ Ăn kơ lu bơngai areh kơ Siôn mơlâu păng kơdŭn tơ rŏng.

⁶ Lê̆ lu sư thoi 'nhĕt tơ bơbŭng hnam, jô kro đĭ adrol kơ chăt.

⁷ Bơngai yuă ưh kơ đei minh chup. Bơngai chô̆ pơpôi kư̆m ưh kơ đei minh kuăr.

⁸ Lu bơngai yak brih găn kư̆m ưh kơ pơma sơkat: “Hơpơi kơ Kră Yang tuh ăn tơdrong pŭn hiôk kơ lu iĕm! Lu nhôn yua anăn Kră Yang sơkat kơ iĕm đei pŭn hiôk.”