Horiso 128 - Sơ̆p Hlabơar Nơ̆r 'Bok Kei-DeiBơngai bu chu yom kơ Kră Yang đei pŭn hiôk Tơdrong hơri kơ lu bơngai tŏk năm tơ pơlei 'lơ̆ng rơgoh. 1 Pŭn dêh kơ bơngai bu mă hli yom kơ Kră Yang. Yak năm lăm trong sư! 2 Ih gô đei sa yua đơ̆ng tơdrong jang tơpang ti kơdih, ih gô đei pŭn hiôk jơnap. 3 Akăn ih thoi tơm hơmu plei trem oei lăm hnam ih. Lu kon ih oei tăp dăr gơ'bang thoi dơng ôliwơ. 4 Bơngai bu mă hli yom kơ Kră Yang; gô đei pŭn hiôk thoi noh. 5 Hơpơi kơ Kră Yang đơ̆ng Siôn ăn pŭn hiôk kơ ih. Hơpơi lăm đĭ chăl arih ih 'bôh dôm tơdrong pŭn hiôk Jêrusalem. 6 Hơpơi kơ ih gơh 'bôh kon sâu ih. Hơpơi kơ Isơrael đei hiôk-hian. |
©Bahnar Bible Association. All rights reserved.