Horiso 127 - Sơ̆p Hlabơar Nơ̆r 'Bok Kei-DeiTơdrong chơt hiôk lĕch đơ̆ng Kră Yang Tơdrong hơri lu bơngai tŏk năm tơ pơlei 'lơ̆ng rơgoh. Tơdrong hơriso đơ̆ng Sôlômôn pơm. 1 Tơdah Kră Yang ưh kơ đei pơm hnam, Lei lu thơ̆ jang man hnam ưh kơ đei kơ yua. Tơdah Kră Yang ưh kơ wei pơlei. Lu bơngai gak kral kơmăng kư̆m tơdrong kơ đei. 2 Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep. 3 To, kon hơ'lơ̆p jơ̆ tơmam đơ̆ng Kră Yang ăn; Hơ'lơ̆p đơ̆ng blu pôih jơ̆ tơmam apah, 4 Kon drŏ-nglo hơiơch kơplah oei hơmuh hơmŏng, Kŭm thoi 'brơ̆m hră lu bơngai hơgei prah. 5 Pŭn dêh kơ bơngai bu mă đei 'brơ̆m 'bĕnh kơ jŏ, sư huay kơ mơlâu. Dah sư pơma pơjah păng lu ayăt tơ 'măng dur pơlei. |
©Bahnar Bible Association. All rights reserved.