Horiso 123 - Sơ̆p Hlabơar Nơ̆r 'Bok Kei-DeiNơ̆r krao apinh Kră Yang dŏng tơgŭm Tơdrong hơri lu bơngai tŏk tơ Pơlei 'lơ̆ng rơgoh. 1 Inh ngơk muh măt tơ Ih ơ Tơ'ngla mă oei tơ kơpal tang-dŏ pơtao tơ plĕnh. 2 Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n. 3 Ơ Kră Yang, apinh mơnat kơ lu nhôn, Apinh mơnat kơ lu nhôn, yua kơ lu nhôn pŭ lơ dêh boih kơ đe areh pơjăm lu nhôn. 4 Bơhngol lu nhôn hrăp dêh kơ tơdrong pơjăm đơ̆ng lu bơngai pơrŏ. Păng tơdrong areh pơjăm đơ̆ng lu bơngai pơang |
©Bahnar Bible Association. All rights reserved.