Horiso 122 - Sơ̆p Hlabơar Nơ̆r 'Bok Kei-Dei

Nơ̆r krao khan kơ pơlei Jêrusalem

¹ Inh hiôk dêh mưh đe khan kơ inh thoi âu: “Bĕ bơ̆n năm tơ hnam Kră Yang.”

² Ơ Jêrusalem, jơ̆ng lu nhôn dơ̆ng 'bơ̆t 'măng jang ih.

³ Jêrusalem đei man thoi pơlei tih. Đei man pơkăp băl kơjăp.

⁴ Tơ noh adrĕch kon pơlei tŏk năm. Lu adrĕch adrung Kră Yang tŏk kiơ̆ kơ nơ̆r tơtă kơ lu bơngai Isơrael, wă kơkuh bơnê kơ Anăn Kră Yang.

⁵ Tơ noh đei pơjing lu anih tang-dŏ sek tơlang. Wă khan tang-dŏ lu pơtao adrĕch Đawit.

⁶ Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

⁷ Ăn kơ tơdrong hiôk-hian oei tơ lăm kơ lu dur ih. Tơdrong hiôk chơt tơ lăm hnam pơtao ih.

⁸ Yua kơ lu 'nhŏng oh păng bôl buăl inh. Inh khan: “Ăn tơdrong hiôk-hian tơ lăm ih.”

⁹ Yua kơ Hnam Kră Yang, 'Bok Kei-Dei lu bơ̆n. Inh krao chă ăn kơ ih pŭn hiôk.