Horiso 120 - Sơ̆p Hlabơar Nơ̆r 'Bok Kei-DeiKrao khan apinh Kră Yang dŏng Tơdrong hơri lu bơngai tŏk tơ pơlei 'lơ̆ng rơgoh. 1 Lăm năr đei tơdrong pơmat-tat inh krao apinh Kră Yang. Na Sư tơl tơwih nơ̆r inh. 2 Ơ Kră Yang, apinh pơklaih bơhngol inh đơ̆ng 'bơ̆r hơlĕnh, Đơ̆ng hơpiĕt lu bơngai pơhlŭ. 3 Ơ hơpiĕt hơlĕnh pơhlŭ, Kră Yang wă pơm kiơ kơ ih? Thim ăn kơ ih tơdrong phak kiơ dơ̆ng? 4 Noh 'brơ̆m suĕng đơ̆ng lu linh; păng ngar 'long ŭnh ngŭr. 5 Răm-'băm dêh kơ inh oei lăm Mêsĕk. Păng oei tơ lăm kơđông Kêđa. 6 Đunh tơpă inh oei hơdai hăm lu bơngai areh kơ tơdrong hiôk-hian. 7 Inh wă tơdrong rơnŭk rơnua, mă-lei dah inh pơma 'biơ̆, Lu sư 'maih tơblah. |
©Bahnar Bible Association. All rights reserved.