Horiso 11 - Sơ̆p Hlabơar Nơ̆r 'Bok Kei-DeiKră Yang, jing anih kơ'nơp Tơdrong hơri Đawit pơm. Ăn kơ thây bơtho. 1 Inh gơnang kơ Kră Yang; Liơ Ih khan kơ inh: “Athei tŏk ôn tơ kông thoi sem? 2 Yua kơ to, lu bơngai kơnê̆ gŭt hră, tah 'brơ̆m 'bơ̆t tơlei. Wă prah đơ̆ng lăm măng mu, tơ jơhngơ̆m lu bơngai đei đon tơpăt. 3 Tơdah hơnă hnam hơlih boih. Bơngai tơpăt gô pơm thoi yơ?” 4 Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai, 5 Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă. 6 Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư. 7 Yua kơ Kră Yang 'Lơ̆ng tơpăt; Sư 'mêm kơ tơdrong tơpăt: Lu bơngai mă tơpăt gô lăng 'bôh muh măt Sư. |
©Bahnar Bible Association. All rights reserved.