Horiso 100 - Sơ̆p Hlabơar Nơ̆r 'Bok Kei-DeiHơri ư-ang kơ Kră Yang Tơdrong pơđơ̆k bơnê. 1 Ơ đĭ-đăng bơngai mă oei lăm teh đak. Ôr chơt hiôk bĕ kơ Kră Yang! 2 Bơ̆jang bĕ kơ Kră Yang hăm tơdrong chơt hiôk, Năm hơri 'nă hal bĕ 'bơ̆t anăp Sư. 3 Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư 4 Athei bơnê na mơ̆t lăm 'măng jang Sư, bơnê ư-ang bĕ na mơ̆t lăm cham Sư. Bơnê bĕ kơ Sư păng hơri ư-ang kơ anăn Sư. 5 Yua kơ Kră Yang 'lơ̆ng, tơdrong 'mêm Sư oei oei ling-lang. Păng tơdrong 'lơ̆ng tơpăt Sư dĭng truh tơ ning-mônh. |
©Bahnar Bible Association. All rights reserved.