Horiso 1 - Sơ̆p Hlabơar Nơ̆r 'Bok Kei-Dei

SƠ̆P HLA BƠAR MĂ MÔNH Pơting lu bơngai tơpăt păng lu bơngai kơnê̆

¹ Pŭn dêh kơ bơngai bu, ưh kơ kiơ̆ trong lu bơngai kơnê̆, kư̆m ưh kơ oei lăm trong lu bơngai yoch, kư̆m ưh kơ ngôi hơdai hăm lu pơjăm đe;

² Mă-lei chơt hiôk lăm tơdrong juăt Kră Yang, păng tơchĕng tơdrong juăt ei măng năr.

³ Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

⁴ Lu bơngai kơnê̆ ưh kơ đei thoi noh; Lu sư thoi hơnong 'ba kial pơđông.

⁵ Yua kơ thoi noh lu bơngai kơnê̆ ưh kơ kĕ dơ̆ng ôh lăm năr sek tơlang, Lu bơngai kơnê̆ ưh kơ gơh mơ̆t lăm lu khŭl bơngai tơpăt.

⁶ Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.