Bôk Bơthô 12 - Sơ̆p Hlabơar Nơ̆r 'Bok Kei-Dei

¹ 'Blŏk bĕ kơ Tơ'ngla mă pơjing ih kơplah ih oei hơmuh hơmŏng, 'blŏk adrol kơ lu năr kơnê̆ wă truh, adrol kơ lu sơnăm mă ih khan: Inh pă hiôk lu sơnăm 'nâu;

² Adrol kơ măt 'năr, măt khei, lu sơnglŏng ưh pă hơdah dơ̆ng păng hơmơ̆l đông hơlơ̆k đơ̆ng rŏng kơ 'mi.

³ Bơngai gak đĭ tơtơ̆ tơtey lu bơngai pran đĭ gu rŏng, lu bơngai adruh đĭ pơdơh kơ peh yua kơ bơngai tŏ sĕt lu sư tơmang băl trong 'măng-'mŏk gŏk lăng đĭ pă bang.

⁴ Kơplah 'bar pah 'măng gah trong tang lê̆ re peh rai pă kơtơ̆ng, đơ̆ng nơ̆r sem asi râu tơiung ih hơdơ̆r, nơ̆r hơri chơt rai hơdar.

⁵ Kơplah kon bơngai hli kơ lu anih kơjung păng hli krưp tơ rok trong pơlei tih kơplah 'long Almon đei bluh pơkao păng lep mơmŏ trăp trĭn păng kon bơngai ưh pă đei hơpơi kiơ dơ̆ng kơplah kon bơngai brŏk tơ anih sư oei ling-lang ling-lang tơ noh păng bơngai nhơ̆m hmoi kơ bơngai lôch tơ rok trong pơlei tih.

⁶ Adrol kơ tơlei hu tơdrong arih kơtĕch, adrol kơ pơnhan maih pơchah, adrol kơ bô̆i đak pơchah tơ cheng đak glung, adrol kơ tang-wang jơ̆ng gre tơgơ̆ rơkhai 'bơ̆t đak hơlŭng.

⁷ Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

⁸ 'Bok mă bơtho noh khan: Đĭ-đăng tôm tơdrong jơ̆ tơdrong kơđei tơdrong kơđei, tơdrong kơđei, kơ̆l 'ngok kon bơngai ưh kơ đei bu hlôh băt tôm tơdrong đei truh tơ kơpal teh âu.

Pơtôch nơ̆r

⁹ Minh 'nu bơngai hơgei, 'bok bơtho sư oei bơtho tơ'bôh tơdrong hơgei ăn kơ kon pơlei. Sư kăl kơ tơ'blŏk hơlen păng pơkeh dôm tơdrong pơđơ̆k.

¹⁰ 'Bok bơtho adrin nŏng kơ chơchă dôm lu nơ̆r 'lơ̆ng păng dôm lu nơ̆r mă trŏ ling-lang chih tơlĕch tơpăt păng sĭt tơpă.

¹¹ Nơ̆r bơngai hơgei đei tơdrong pơdrŭt pơm kơ đe 'maih đŏk; sư rơih pơrĕng lu nơ̆r pơđơ̆k 'lơ̆ng kơjăp thoi pơ̆ng kơđĭnh tơ jrăng nơ̆r noh đơ̆ng Tơ'ngla wei triu ră roi.

¹² Mă-lei, ơ kon ih athei kơchăng bĕ, yua kơ đe chih lơ tơpă hla bơar bơtho ưh kơ tôch păng dah nŏng kơ hŏk pơhrăm đĕch đei pơm kơ akâu gleh lap, pă kĕ.

¹³ Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

¹⁴ Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -