Bl 10 - Sơ̆p Hlabơar Nơ̆r 'Bok Kei-Dei

Adrĕch adrung Japhet

¹ Âu, adrĕch adrung Sem, Cham păng Japhet, pêng 'nu kon drŏ-nglo Nôê đơ̆ng rŏng kơ đak lơ̆p sư pơjing kon sâu.a

² Kon drŏ-nglo Japhet anăn Gômer, Magok, Madai, Jawan, Tubal, Mêsiek păng Tiras.

³ Kon drŏ-nglo Gômer anăn Askenas, Riphat păng Tôgah. Noh boih kon sâu Japhet kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư.

⁴ Kon drŏ-nglo Jawan anăn Êlisa păng Tarsis, Kitim păng Đôdanim.

⁵ Noh boih kon sâu Japhet, kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư. Đơ̆ng lu sư na đei kon bơngai oei jơ̆p kơ bŏl lăm đak dơsĭ păng tơter jih dơsĭ.

Adrĕch adrung Cham

⁶ Kon drŏ-nglo Cham anăn Kus, Misraim, Phut păng Kanaan.

⁷ Kon drŏ-nglo Kus anăn Sêba, Hawila, Sapta, Rama păng Saptêka kon drŏ-nglo Rama anăn Sêba păng Đêdan.

⁸ Kus kư̆m pơjing Nimrôt, sư boih bơngai mă nuih blŭng-a kơpal teh âu.

⁹ Sư âu bơngai chă lua nuih tơpă. Yua kơ noh đei nơ̆r pơđơ̆k khan: Nhen Nimrôt, minh 'nu bơngai lua nuih.

¹⁰ Teh đak sư 'nao pơjing noh Babel, Êrek, Akat păng Kalneh oei tơ dêh char Sinar.

¹¹ Đơ̆ng dêh noh sư năm tơ dêh Asiri, na pơjing pơlei tih Niniwe sư kư̆m jing lu pơlei Rôhôbôti, Kalah.

¹² Păng Resen mă oei tŏk-bŏk pơlei tih Niniwe păng Kalah.

¹³ Misraim pơjing Ludim, Anamim, adrĕch Lêhabim, adrĕch Naptuhim,

¹⁴ Parusim; adrĕch Kasluhim, (noh đei pơjing păng adrĕch Kaptorim. Đơ̆ng Kasluhim adrĕch Philistin).

¹⁵ Kanaan pơjing Siđôn, kon drŏ-nglo kơdră sư păng Hêt.

¹⁶ Hăm adrĕch Jêbus, adrĕch Amôrit, adrĕch Girgasit,

¹⁷ Adrĕch Hêwit, Arêkit, adrĕch Sênit.

¹⁸ Adrĕch Arwadit adrĕch Yêmarit adrĕch Hamat. Đơ̆ng noh adrĕch adrung Kanaan tơklah tơklang.

¹⁹ Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

²⁰ Noh kon sâu Cham, kiơ̆ kơ adrĕch adrung kiơ̆ kơ nơ̆r pơma, dêh char păng kon pơlei pơla sư.

Adrĕch adrung Sem

²¹ Sem 'nhŏng kơdră, 'nhŏng Japhet, kư̆m đei pơjing kon drŏ-nglo, drŏ-kăn. Sem pơjing adrĕch Hêbrơ.b

²² Kon drŏ-nglo Sem anăn Êlam, Asur, Apaksat, Lut păng Aram.

²³ Kon drŏ-nglo Aram anăn Usơ, Hul, Gêther păng Mach.

²⁴ Gah Apaksat pơjing Sêlah; Sêlah pơjing Eber,

²⁵ Eber đei pơjing kơ 'bar 'nu kon drŏ-nglo; anăn minh 'nu noh Pêlekc yua kơ teh lăm chăl sư noh sơ̆ asong băl boih; anăn oh sư Jôktan.

²⁶ Jôktan pơjing Almodat, Sêlep, Hasamawet, Jêra,

²⁷ Hadôram, Uyal, Dikla,

²⁸ Ôbal, Abimael, Sêba,

²⁹ Ôphir, Hawila păng Jôbap. Đĭ-đăng lu sư noh kon drŏ-nglo Jôktan.

³⁰ Anih tehd lu bơngai noh oei gah Sêpha, năm đơ̆ng Mêsa truh tơe kông groi gah hơlĕch.

³¹ Noh boih kon sâu Sem, kiơ̆ kơ adrĕch adrung, kiơ̆ kơ nơ̆r pơma, dêh char păng kon pơlei sư.

³² Noh lu adrĕch adrung pêng 'nu kon drŏ-nglo Nôê, kiơ̆ kơ chăl păng kon pơlei sư; păng yua kơ lu sư noh na đĭ-đăng adrĕch adrung klah asong băl jơ̆p kơpal teh đơ̆ng rŏng kơ đak lơ̆p.