YONA 2 - Kalate Zambe Nnomo a Mfefe Mfefé Nkôñelan

Yôna a ye'elane Zambe abume kos été

¹ Ane Nti a nga kôm beta kos ya mine Yôna. Nde a nga tabe abume kos été môse mila a melu mela.

² Yôna a too abume kos été, ane a nga ye'elane Nti, e Zambe wé.

³ Ane a nga jô na: Ôlune wom été me nga loone Nti Ane a nga yalane ma. Me too vôm ya miñwuan, ane me nga loone wo na ô volô ma: Nde ô nga wô'ô tyiñe jam.

⁴ Ô nga wua ma e tem édo'o mañ été. A ndône mendim é nga yandane ma. Mintyôa miôé mise a mendim môé mese bi nga dañe ma yôp.

⁵ A me nga jô na: Ô wuaya ma ôyap! Ve ma ye beta nye'e me fombô'ô *nda jôé é ne étyi.

⁶ Mendim me yandaneya ma a kui jôé: Edo'o mañ é bômaneya ma, Bilo'o ya ôsôé bi maneya yametan e nlô wom.

⁷ Me nga sis a kui vôm minkôle ya *si nyô mi beme Mengôñ ya si me nga fete ma éyoñ jijia: Ve ô nga bete ma vevee me so'o ébé é ne édok; A wo Nti ô ne Zambe wom.

⁸ Eyoñ nleme wom ô nga tek abume dam été Me nga simesane Nti. A meye'elane mam me nga kui e be wo. A kui e Nda jôé é ne étyi.

⁹ Ba ba timbi a zesé bengunemelan Te kañese na *mvam jôé é kui e be be.

¹⁰ Mfa'a wom ma ye tyi'i wo biôm ya ve wo akéva Ma ye jalé mintiñetane miam: amu wo Nti ô nga nyii ma.

¹¹ Ane Nti a nga kobô kos, nde é nga yô Yôna e kindik.