Yo 3 - Kalate Zambe Nnomo a Mfefe Mfefé Nkôñelan

Nti a ye sôe Nsisime wé e be bôte bese

¹ Eyoñe mam mete me maneya, ma ye sôé Nsisime wom e be môta binam ase. Bobefame benan a bobebinga benan ba ye kulu mejô. Minnôm mi bôte mienan mia ye yeme biyeyem a bendômane ki ba ye yene mam.

² To'o na e be bebo bisaé befam a binga ma ye sôé Nsisime wom melu mete.

³ Ma ye liti bitua bi mam e yôp a si: metyi, nduan a ôtita minkut.

⁴ Jôp da ye bo ékukut ngone ki évele ane metyi, te na môse Nti ô so, beta a ékowoñe *môs ôte.

⁵ A ye bo na môt ase a ye sili mvolane be Nti a ye nyiiban. E Yérusalém, e nkôle siône yôp, bôte b'éziñ ba ye fame bidim bia ye kui avale Nti a nga ve ngaka'a. Balé bete ba ye bo ba a loone na be nyiñ.