Yb 7 - Kalate Zambe Nnomo a Mfefe Mfefé Nkôñelan

Biyoñ ya njuk

¹ Ye asu'ulane môt e si nyô e nji bo di mon bezimbi, a melu mé ki aval'ane melu me nyô a saé amu tañ'

² Aval'an'ôlo wo vebe éyoñ ô wuya, avale fe ane mbo ésaé a yange ma'ane mé,

³ avale te nde ngabe jam é ne mintaé ya bengon bengon. Ngab é n'énjam é ne minjuk melu melu.

⁴ Eyoñ ma bômbô si ma jô na: Ma ye kôlô si éyoñ évé' A éyoñe ma kôlô si ma simesane na: Ngô'é ja yange jé na é bo' Asimesane mevale mete da ndeñele ma nsisim akekui mamengô'é.

⁵ Nyôle jam ja jaé bitum a tyia ane ngômesan, ékôbe jam ja tui mefô a boé.

⁶ Melu mam ma lôt avôl a dañe mvé ntiñe biyé. Ma jañ, ndi ése ve man.

⁷ Simesa'ane na ényiñe jam é ne mvebe! Mise mam ma ye bo te yene mvaé.

⁸ Dis da fombô ma da ye bo te fe yene ma; mise môé ma ye jeñe ma a kooé na me ntoo momo.

⁹ Minkut mia jañ a ke, avale te nyô a ke vôme ya miñwuan a ye bo te beta so;

¹⁰ a ye bo te beta zu e *nda jé a *nda jé ja ye dimi nye.

¹¹ Ajô te ma ye bo te fe tab'évô, ôlun été ma ye kobô ajô nsisime wom, éyôé été ma ye tat ajô ya nyôle jam

¹² ye me ne mañ nge beta tit éziñe ya mañ, ane wo telé bemombô be bômane ma'

¹³ Eyoñ ma jô na: Enoñe jam ja ye volô me *nlem, vôm ma bômbô a je'é ñyône wom,

¹⁴ éyoñe te wo sisi ma a biyeyem, wo bo na me ko woñ a mam ma yen.

¹⁵ Me ne yene mvaé na me wu abuk, ya, awu e ne me mvaé a dañe bivese bi!

¹⁶ Me nji bisi! Ma ye bo te nyiñe nnôm éto. Jôké'é ma, amu melu mam me ne fo'o ve momo.

¹⁷ Môt a ne jé ane wo yene nye anen, ane wo nyoñe njuk ajô dé,

¹⁸ ane wo jome nye metyé mese ane wo ve'ele nye biyoñ bise'

¹⁹ Wo ye jô'é fombô ma éyoñ évé' Wo ye ve ma éyoñ ya mine mendene mam éyoñ évé'

²⁰ Nge me boya *abé, jé me mbe nguleya bo wo, a mba'ale bôt' Amu jé ô nyoñeya ma ane jôme wo sôñ' Amu jé me be'e mbe'e wome mamien'

²¹ Amu jé ô nji vaa mbia mboone wom, a amu jé ô nji jamé ékobe jam' Amu na éyoñe ji ma zu bômbô mbulu'u été; Wo ye jeñe ma a kooé na me ntoo momo.