Yb 6 - Kalate Zambe Nnomo a Mfefe Mfefé Nkôñelan

Yob a yalan Elifaz

¹ Ane Yob a nga yalane na:

² Ngo'é nge ba tame ke ve'e adite ya ôlune viam a ngo'é nge ba tame ke beté minju'u miam mise kop,

³ ba ye yene mi too adit éyoñe ji a dañe nsele'e ya mañ: jame te nde bôt ba biasé nkobô wom.

⁴ Amu mekoñ m'élaé ya Nyô a ne Ngul ése me tulaneya me nyô, a nsisime wom ô nga nyu nsule y'été. Beangôndô be mame Zambe be ne me ngame yat.

⁵ Ye éjakase ya fé ja ye tat e fefele élok é ne nte'an' Ye nnôme nyak a tat e fefele bidi bié'

⁶ Ye be ne di jôm é n'éyôs teke nku' Ye jôb atyi kup da wô'é anyu'

⁷ Jôm me mbe me bene nnambe, é ntoo bidi biam, to'o na é n'abé!

⁸ Ngo'é nge jam ma sili e ne boban, a nge Zambe a ne tôé ndi ya nleme wom!

⁹ Zambe a tame ke yene mvaé ya fite ma, a tame nja'a ke same wo wé, a man ényiñe jam!

¹⁰ Nalé a ye volô ma *nlem, ma ye fôn a mevak, akôsa bo mintaé miam mi ne te akobô, nalé a ne na me nji ke sôane mejô me Nyô a n'étyi.

¹¹ Ngule jam é ne jé na me yange' A asu'ulane dam da ye bo aya ane ma yiane wôñôlô ényiñe jam'

¹² Ye ngule jam é ne ngul akok' Ye minsône miam mi ne mi mi mvot'

¹³ Ye me nji bo nyô a nji bi mvolan, nga ñyeman ôse ô maneya ke m'ôyap' Yb 16:1-5,20; 19:1-6,19-22; Mink 17:17

Amvôé e ne momo jôm

¹⁴ Môt a bili njuk, môt mbok a yiane volô nye, nalé momo wôna a ye li'i woñe ya Nyô a ne ngul ése.

¹⁵ Bobejañ be maneya joñôlô ma ane ôtôñ mendim, ane mvelane y'atôñe mendim da mane kôt.

¹⁶ Mendim map me ne nju'ulan amu Glas, Glas a solô été;

¹⁷ Eyoñ ayôñ e né atôñe te da mane vele, da mane kôt a vian.

¹⁸ Minsamba bebe'e mimbe'e mia fu'u fé, mia nyiin afan été a jañ.

¹⁹ Minsamba ya Téman mia ke jeñe be mi ya Saba ki mia yange be zesé.

²⁰ Ngo'o ôson éyoñ ô maneya ve ndi nleme jôé e be minsamba mite! Ja'ana ô yeneya vôm be né, v'ôson wo li'i wo nyô éyoñ be soya

²¹ jôm mi né éyoñe ji nje le; mi lôô nju'u wom, a mia ko woñ!

²² Ye ma te jô mia na; va'ane ma jôm éziñ, nge na va'ane ma bifa'é y'akume denan,

²³ nge na nyi'ane ma e mo me nsiñe wom, nge na kôta'ane ma e mo bewôé bôt'

²⁴ Ye'ela'ane ma na me tabe évô; lita'ane ma me yem e vôme me jañeya fé.

²⁵ Miabebien mia yem ane *minkobô mi ne zôsôô mia tooé môt évô! Ve bijô mia ve ma bia liti jé'

²⁶ Ye mia kômbô ve nkobô wom bijô a wua *minkobô ya môt a ne nte'an e ñyem'

²⁷ Ke me lôô mia ye do monenyui abia, a kuane mvôé jenan émvos!

²⁸ Eyoñe ji tama fombane ma ye ma ye laane mia minsos bi lôane mesu'

²⁹ Tama bulane mvus, ma ye'elane mia, te boon ékotekot; bula'ane mvus, amu *zôsôô wom a ngenan!

³⁰ Y'ékotekot é ne m'ôyem, a ye anyu dam é nji yemelane minjuk'