Yb 38 - Kalate Zambe Nnomo a Mfefe Mfefé Nkôñelan

Zambe a yalane Yob, éyalane y'ôsu

¹ Ane Nti a nga yalane Yob a too beta évuñulu été a jô na:

² Za a ne nyô a bo mefe'e mam évindi a nkobô wo jembane ñyemane mam'

³ Tiñeti'i ases angeteñ dôé, aval'ane éwôlô môt; ma ye sili wo minsili a wo ye ye'ele ma.

⁴ O mbe vé éyoñ me nga té si' Katek, nge wo yeme de a atyeñe dôé.

⁵ Ye wo yeme môt a tyi'i minté y'été' Nge ve'e ndam y'été'

⁶ Mimbôka'a y'été mi ne mbemane vé' Nge na za a nga bôôé ako'o jua y'été,

⁷ valé ateté ya mametyé é yi'a bia nsamba wua, bone be Zambe ki be kute mefas?

⁸ Za a nga fete mendim me mañe *mbé, éyoñe me nga vam me so'ok e bido'o ya si'

⁹ Ke ma! A me nga jalé me minkut ane ngômesan, me nga vute me afibe *nkut été.

¹⁰ Me nga telé nkean ôsu wé a ve nné éyoñe me nga telé *mbé bityé ôsu vié.

¹¹ Me nga jô me na: Wo ye su'u va, te beta ke ôsu abui; yaa, mendime môé me ne mebun ma ye su'u va.

¹² Nté ane ô tabe, ye ô veya tyé *atiñ éziñ' Ye ô boya mélendé me tyé na me yem été jap;

¹³ Ane me ne bi meku'u ya si, ane bebo *abé ba ye tébane si amu jame te'

¹⁴ Jôm ése ja tyendé ñhe éyoñe te, aval'ane metek ma nyoñe ndem éyoñe ba nnambe me, a ma yené aval'ane nge me be'e ngômesan.

¹⁵ Ve bebo *abé be nji fe bi éfufube jap, a wo wo betebane yôp ô bu'iya.

¹⁶ Ye ô keya a kui vôme mañ ma téé' Ye ô keya wo wulu e bido'o ya yee'

¹⁷ Ye mimbé y'awu mi nga litibane be wo' Ye ô nga yene mimbé mi nsisiñ y'awu'

¹⁸ Ye ô tameya fo'o simesan ane *si nyô é ne anen' Kobô'ô nge wo yeme mam mete mese.

¹⁹ Ye wo yem e *zen ja ke suan e vôm éfufup é too' Nne dibi é too vé

²⁰ ane ô ne nguleya bi de vôm da su'u a yeme mezene me étaba'a te'

²¹ Ke wo yiane yeme de! Wo ô bialéya a ayap!

²² Ye ô nga ke a kui e vôme bibañe mendim bi ne nnaan' Ye ô nga yene vôme meta'a me ne nnaan,

²³ mme me nga ba'ale asu mbia biyoñ asu môse mewosan a bita'

²⁴ Ye wo yem éfufup ja tulan a kui be bia, a vôme évuñulu ya jôp da tôô ja mialan e *si nyô'

²⁵ Za a nga yooé biko'o bi mveñe *zen' A tene zene feleves a zo'oyañ'

²⁶ Za ya bo na mveñ é ne noñ e si é ne teke bôt, e *nkôte si vôme bitétéa bi ne bôt bi ne momo,

²⁷ asu ya ve mevôm me ne bili'i mendim, a bo na bilo'o bi vam a faa'

²⁸ Ye mveñ é bili ésaa' Za a bo na metoé me mfô mendim me bialé'

²⁹ Ñwônane mendim ô nga bialé e be nyia *mbé' A za a nga biaé ñwônane mendime ya yôp'

³⁰ Eyoñe meta'a ma ku, mendim ma bo ayet ane *mekok, a ngum ôsôé ô ne veñesane beta ébañ mendim.

³¹ Ye ô ne tiñeti metiñ ma lat ékoé bengon, nge tii minkole mi Nkel ôvôn'

³² Ye ô ne bo na nsamba y'ateté da yené éyoñe jia é yené éyoñe jap, a ye wo wo liti tôlô ba nsamba wé *zen'

³³ Ye wo yem ane mame ya yôp me ne nta'an' Ye wo tu'a yemelane si, a nta'ane mame wé'

³⁴ Ye ô ne bete tyiñe jôé a kui minkut asu ya na atôñe mendim e yandane wo'

³⁵ Ye wo lôme feleves na é wulu' Ye ja jô wo na: Me nyô'

³⁶ Za a nga futi fek nsolane *nlem été, nge na za a nga ve *nsisim atyeñ'

³⁷ Za a ne lañe minkut a fek, a vite mende'e ya yôp,

³⁸ asu ya na mbuluk ô wôn, a na bibañe metek bi lat'

Zambe Masa betit

³⁹ Ye wo bo nsôm asu ngale ngbwengbwem, a ye wo je'e zaé bitoñe bengbwengbwem,

⁴⁰ éyoñe be bô'ô mimfule miap, éyoñe be too bisaé si be yabe'e biôm'

⁴¹ Za a yam éngbwañ bidi éyoñe biyele bié bia yône be Zambe bia ke bia ndeñ, teke jôme ya di'