Yb 33 - Kalate Zambe Nnomo a Mfefe Mfefé Nkôñelan

Zambe a kobô bôt a minjuk

¹ Eyoñe jina ñhe a Yob, vô'ôlô'ô nkobô wom, ke'e alo mfa'a ya mejô mam!

² O lôô na ma kui anyu dam, ôyeme viam via ye kobô e anyu dam été,

³ *minkobô miam mia ye liti *zôsôô ya nleme wom, biyaé biam bia ye kuli ve nya ñyemane mam;

⁴ nsisime Zambe ô nga kôme ma a mvebe Nyô A ne Ngul Ese, wo bo na me nyiñ.

⁵ Yala'ane ñhe nge ô ne nguleya bo nalé, kôm? été mebo jôé, tebe'e ôsu viam!

⁶ Me ne ane wo asu Zambe, be nga nyoñe fe ma metek;

⁷ Ajô te ma ve wo woñe *nlem, a ma ye bo te vite wo a ngul éjôé jam;

⁸ Ve wo te jô melo mam me wô'ôk, ma te wô'ô éduñe ya nkobô wôé na:

⁹ Me ne teke bijô, teke *abé, me ne *mvo'é, teke ékobe be ma.

¹⁰ A Zambe a té ma ntañete, a yene ma ane nsiñe wé,

¹¹ a futi ébom e mebo mam, a fombô jam ese ma bo.

¹² Mfa'a ôte, ma ye yalane wo na: Wo *duk, amu Zambe a n'anen a dañe môt.

¹³ Amu jé wo kômbô wômane Zambe' Amu môt a se nguleya yalane mejô mé mese.

Zambe a kobô mezene mezen

¹⁴ Ve Zambe a kobô, ana'ana avale di, ana'ana avale di, wo teke yem.

¹⁵ A kobô biyeyem, ñyenane y'alu, éyoñ ôyo melom ô biya bôt, éyoñe be bôô ôyo binoñe biap.

¹⁶ Eyoñe te ñhe a liti bôte mam, a yemete ayé'é dap.

¹⁷ Nalé a ye bo môta biname na ba mimboone mié be kandan; a bo ngungule môte na ô sa'ale mebun.

¹⁸ Nalé nsisime wé wo ye bo te fuban ébé. A kaman ényiñe jé na é bo te jañ a nkpwaté mekôn.

¹⁹ Eyoñ a bôô énoñe jé, môt a ne fe nyoñe mbeman a zene ya mintaé, éyoñe bivese bié bia ke ôsu a bi mewosan.

²⁰ Eyoñe te a wô'ô bidi *abé, to'o na bidi môt a ne dañe kômbô di,

²¹ minsône mié mia sibi a jañ mise me lôô, bivese bié bi mbe te yené, bia ngônôbô atan;

²² nsisime wé wo subu bebé ébé a ényiñe jé ja subu bebé be ba ba ve awu.

²³ Ve nge Engele a ye'elan ajô dé, Engele wua e Beéngele toyini été, a too nyô a kate môt e jam a yiane bo,

²⁴ éyoñe te a ye mvamane nye a jô na: Kôté'é nye a za sis ébé été; me yeneya ngôtô!

²⁵ A minsône mié mia beta bo, ane éyoñ a nga too ésoé; a beta bulane melu a nga too nkpwa'a ndôman.

²⁶ A ye'elan e Zambe a yene nye mvaé, a yen asu dé a miñyône ya mevak. Zambe a bulane môt e *zôsôô wé.

²⁷ A yia bia a tele bôt ôsu a jô'ô na: Me boya *abé, a vite jôm é mbe *mvo'é, a be nji ke bo ma avale e nga yiane ma.

²⁸ Zambe a kôtéya nsisime wom, ô bo te ke ébé été, a nsisime wom wo ye beta yen éfufup.

²⁹ Mame Zambe a bo mme le, biyoñ bibaé, bilaa, baa môt.

³⁰ Nalé a ye bo na nsisime môt ate ô bo te ku ébé, asu ya faé nye éfufube ya bevevee.

³¹ Tabe'e ntyel a Yob, vô'ôlô'ô ma! Tabe'e évô a ma ma ye kobô!

³² Nge ô bili mejô m'éziñe ya kobô, yala'ane ma! Kobô'ô amu ma ve wo mekabe,

³³ nge nalé momo, wôna wo vô'ôlô'ô ma! Tabe'e évô a ma ye ye'ele wo fek.