Yb 31 - Kalate Zambe Nnomo a Mfefe Mfefé Nkôñelan

Yob a liti na a nji bi mekua

¹ Me nga bo élat a mise mam. Me mbe nguleya fombô éndune ngon aya?

² Ngabe fé Zambe a nga ye naane ma yôp' Ngabe fé Nyô A ne Ngul Ese a nga ye lôme ma yôp'

³ Ye bidim bi nji bo asu mbo *abé, a mam me n'abé ki asu bikotekote bi bôt'

⁴ Ye sa Zambe ny'a fombô mezene mam, a lañe mendaa mebo mam'

⁵ Nge me nga wulu ékotekot été, nge abo dam e nga ke avô e medu'an été,

⁶ Zambe a ntoo ve ve'e ma a kop é ne *zôsôô, a a yeme nya *mvo'é wom!

⁷ Nge abo dam é kôlôya nya zene, nge nleme wom ô tôñeya mise mam, nge mvin éziñ é kabetaneya me mo,

⁸ Nge, me nga bé a ntoo ve môte mfe a di, a bifa'alé biam bi ntoo ve tébane si,

⁹ nge nleme wom ô nga woneban ajô minga, nge me nga yabe me tele *mbé môte mbok,

¹⁰ a ntoo ve minga wom a ko'o bidi asu fame fe. A befam befe be ntoo ve bômbô nye.

¹¹ Amu nalé a ne mbia mboon, étome betyi'i mejô ba yiane ve *melep.

¹² E nduane ja di'i a kui mbi'ili ya njañ, é ntoo nguleya mane di'i akume dam ese ne meñ.

¹³ Nge me nga biasé jôme mbo ésaé wom a ne fam, nge ji nyô a ne minga, e melu mangan été,

¹⁴ ma ye bo aya nge Zambe a kôlô si' Eyoñ a ye fas ajô ma ye yalan aya'

¹⁵ Nyô a nga kôme ma abume nyia wom, ye sa nye fe a nga kôme be' Ye sa Zambe wua nye a nga kôme bia abume benyia bangan'

¹⁶ Nge me nga bene ve bingôngole bi bôt jôm ba kômbô, nge me nga bo mise me nkuse na me tat,

¹⁷ nge me nga di éfus adi jam étam, monenyui teke jôm été,

¹⁸ amu aso ya mongô bia nye bi nga yaé nsamba, ane bôt be n'ésaa wua, ataté abume nyia wom, me nga volô nkus.

¹⁹ Nge me nga yene môt a kele a ndeñ a yii ngômesan, a *nzôzoé ô jeñe jôme ya vute nyô,

²⁰ te na angeteñe dé é botane ma, te na mevule ya bone mintômba bam be va'a ny'ayôñe nyô,

²¹ Nge me nga bete wo a ke monenyui ngame yat, amu me nga yene na betyi'i mejô be ne ngame jam,

²² wo wom ô ntoo ve kôlô étule jam, a étune wo jam é kanda'an ékuteboñe jam, a é ntoo ve bu'i!

²³ Amu ma ko mbia jame Zambe a lôme woñ, a me se nguleya bo jôm éyoñe me tele éjijine jé ôsu.

²⁴ Nge me futiya ndi nleme jam e or, nge me jôya étyé é n'édima na: Me veya ndi jam be wo;

²⁵ Nge me nga vak amu abui ya akume dam, amu akume wo wom ô nga kôan;

²⁶ nge me nga fombô éfufube jôp éyoñ é mbe é faék, a ngon éyoñ é mbe é wulu'u é faék;

²⁷ a nge nleme wom ô nga woneban asoé; a nge me nga kee wo wom anyu asu mebatan,

²⁸ nalé fe a n'étom ja yiane tyi'iban ajô, a me nga ye ke e nkat bia e Zambe a ne ôyabe yôp.

²⁹ Nge me nga vak amu bidime ya môt a mbe a siñe ma, nge me nga fôn amu mbia jam a nga kui be nye,

³⁰ e ma me nji ve ôyeme wome ngule ya bo *abé, nge sili awu dé a meye'elan mese;

³¹ nge bôt be too e *nda éndelé jam be nji ye jô na: Môt a nji jaé tite jé a ne vé'

³² Nneñ a nji bômbô atan, me mbe me yo'é *mbé wom asu ñwulu dulu.

³³ Ye me nga solé mintyamane metiñe miam, ane môta binam mbo'o ase asu ya buti bikobe biam abume dam été'

³⁴ Amu me nga ye ko menyiñ me bôte woñ, amu ébiasé ya menda me bôt é nga ve me woñ; nde me nga ye ku évô, teke tulane *mbé wom.

³⁵ Ngo'é za a ye bo me na me yene môt éziñ a vô'ôlô ma' Efia jam ja su'ulan nje le Nyô A ne Ngul Ese a ntoo ve yalane ma! Esoman nsiñe wom a nga tili,

³⁶ ye ma ye bo te be'e je étule jame yôp, ye ma ye bo te tiñeti je nyôle jam ane ékate duma'

³⁷ Ma ye kate nye tañe medaa mebo jam. Ma ye subu nye bebé ane mona njô bôt.

³⁸ Nge si jam é ne me ngame yat, a bisala'a bié bia kuli milik,

³⁹ nge me nga di ngule jé teke ya'an, a a kooé na me wôéya e môt a ne je,

⁴⁰ wôna ndôé é kui été señe nlisi, a minsinik e señe fôn! Amané ya nkobô Yob.