Yb 26 - Kalate Zambe Nnomo a Mfefe Mfefé Nkôñelan

Yob a yalane Bildad

¹ Ane Yob a nga yalane na:

² Ô bu'u yeme volô nyô a ne ngule momo! O bu'u yeme nyii wo ô ne fô'ô momo!

³ O bu'u yeme lebe nyô a ne *te fek! Za ngule mfasan wo liti nyô!

⁴ Wo kobô za' Za ki a sone wo'

⁵ Miñwuan mia fô'ôbane mendime si a biôme bi too été;

⁶ vôme ya miñwuan a yoo e mise mé, jôm éziñ é nji buti yee ya njañ.

⁷ A sam akôé e vôm é nji bo, a tyelé si e momo yôp.

⁸ A fete mendim e minkute mié été, a minkut mi nji tui amu adite dap.

⁹ A solé asu abôme ngon, éyoñ a yalé nkute wé été yôp.

¹⁰ A nga tene njiñelete e mendime yôp, a kui nnéa éfufup a dibi,

¹¹ beta mekône ya yôp ma fumi si a ko ayaa dé woñ.

¹² Ngule jé ja fô'ô mañ, a atyeñe dé da bu'u mebune mañ mete.

¹³ Mvebe wé wo fubu yôp, wo wé ñwô ô lumeya nyo ja tup.

¹⁴ Nge bone mimboone mié be ne avale te, abim avé minkumutu bia nyoñ mi n'éveves. Nde ñhe za ny'a ye wô'ô zo'oyañ ya ngule jé'