Yb 23 - Kalate Zambe Nnomo a Mfefe Mfefé Nkôñelan

Yob a yalan Elifaz

¹ Ane Yob a nga yalane na:

² E môse wuna fe ñyône wom ô ne ayaa, wo wom wo fite ntate wom.

³ Ngo'é nge me too ye yeme vôm me ne yene nye, nge me too ye kui vôm a too,

⁴ me nga ye liti nye ajô dam, me nga ye jalé anyu dam a bifia.

⁵ Me nga ye yem biyalan a nga ye ve ma, a me nga ye wô'ô jam a nga ye jô ma!

⁶ Ye a ne belane ngule jé ése na a bo ma ajô' Momo ve da a ne bo ve na a dimili éyoñ ya fombô ma.

⁷ A ye yeme na *zôsôô môte le ba nye ba doone bifia éyoñe te Ntyi'i mejô a ye ve ma mekabe nnôm éto.

⁸ Ve nge ma ke mfa'a jôbe da tôô a nji bo wé, e mfa'a jôbe da dim, me te yene nye.

⁹ Ye a bo ésaé éziñ mfa'a y'akôé. Me se nguleya yene nye. Ye a solô mfa'a ya nké' Me teke ngule ya yene nye.

¹⁰ Ve nye *a yem e zene me tele. Eyoñ a ye ve'ele ma, ma ye kôlô *mfuban ane or.

¹¹ Abo dam é kabetaneya a mendaa mebo mé. me ba'aleya mezene mé a me ngenan te kôlô me été.

¹² Me ngenane te tyendé mebendé ya biyaé bié; Me vitiya nkômbane wome na ô lu'an a mejô y'anyu dé.

¹³ Ve Nye, nge a tyi'i jam éziñ, za a ne bo nye na a beta bulane mvus' A bo e jam Emien a yene mvaé.

¹⁴ Ajô te a ye bo jam a tyi'iya mfa'a wom. A ye fe simesane mefe abui.

¹⁵ Ajô te ma ko woñ asu dé. Eyoñe ma dañe fase jame te, nje ma dañe ko nye woñ.

¹⁶ Zambe a tyi'iya ayo'o ya nleme wom étun. Nyô A ne Ngul Ese a jaléya ma a woñ.

¹⁷ Amu sake dibi nde da tooé ma évô, sake dibi nde da buti ma.