Yb 22 - Kalate Zambe Nnomo a Mfefe Mfefé Nkôñelan

Elifaz a kobô Yob éyoñe lale

¹ Ane Elifaz môte ya Téman a nga nyoñe nkobô a jô na:

² Ye môta binam a ne volô Zambe a *zen éziñ' Momo, môt a yeme wô'ô mam a ne mfi ve mfa'a wé émien.

³ Ye Nyô a ne Ngul Ese a yene jame te mvaé na ô bo *zôsôô' Nge ô ne nya *mvo'é e mezene môé, a nyoñe jé été'

⁴ Ye A bôme wo amu nkabetan wo kabetane mame ya mbunan, a ye amu nalé nde mia Nye mi bili de ajô'

⁵ Ye mbia mboone wôé a nji bo anen, ye minkobane miôé mi nji bo te nné'

⁶ Amu ô mbe ô nyoñe bobenyoñe biban tek'étom, ô mbe ô wôlé'é mengômesane me ba ô mbe ô li'i soé;

⁷ ô nji bo ô va'a môt a wô'ô évé mendim, môt a wô'ô zaé ô mbe ô nyume nye bidi.

⁸ Si é mbe jôme ngungule môt, a e môt a n'énguñ a mebun nye a nga bili je.

⁹ O mbe ô bula'ane minkus mo zesé. Mo me bobenyui me mbe mbu'an.

¹⁰ Ajô te nde melam ma bômane wo, a ajô te woñ ô biya wo atemetem.

¹¹ Ye ô ne te yene dibi te' E ndône mendim ja yandane wo nyô'

Ate'e nleme Yob

¹² Ye Zambe a nji bo ôyabe yôp' Fombô'ô nté ateté e né: abim e ne mbetane yôp!

¹³ Eyoñe te wo bele jô na: Zambe a yeme jé' Y'a ne tyi'i mejô e dibi été'

¹⁴ Ke minkut mi n'asolé jam asu dé, a a nji yene jôm. A bôma'ane njiñelete ya yôp.

¹⁵ Jé! Wo kômbô ba'ale je nnôme *zen, ñwô bikotekote bi bôt bi nga tôñ'

¹⁶ Be nga bili éyoñ é ngenane te kpwaan, mbôka'a wop ô n'ôtôñ wo lôt.

¹⁷ Be mbe be jô'ô Zambe na: Kele bia ôyap. Nde za jame Nyô A ne Ngul ése A ne bo mfa'a wop'

¹⁸ E too ke na nye a nga jalé akum e menda map. Fe'e bebo *abé é ne ma nya ôyap.

¹⁹ Bezôsôô be bôt ba ye yene de a vak, a nyô a ne te bijô a ye kpwe'ele be.

²⁰ Ye nyô a ne bia ngame yat a ngenane te jañ' Ye nduan é ngenane te mine mfi wop'

²¹ Kui ñhe *tyiñ a Zambe, éyoñe te wo ye bi *mvo'é. Ataté valé, jôme wo ye bi, ja ye bo mbamba jôm.

²² Nyoñe ñye'elan anyu dé, a ba'ale mejô mé e nleme wôé été.

²³ Nge wo bulan e be Nyô A ne Ngul Ese, wo ye beta tebe, wo ye titan *abé e *nda éndelé jôé.

²⁴ Wu'a or e mbulu'u été, or y'ôfir e mekô'ô y'atôñ été;

²⁵ A Nyô A ne Ngul Ese a ye bo or wôé, a ye bo mevise me argent mfa'a wôé.

²⁶ Eyoñe te wo ye bo Nyô A ne Ngul Ese meva'a môé. Wo ye bete asu dôé yôp be Zambe.

²⁷ Wo ye loone nye, a Nye ki A ye yalane wo. A wo ye jalé mintiñetane miôé.

²⁸ Nge wo tyi'i jam éziñ, da ye bobane wo nalé. Efufup ja ye faé e mezene môé.

²⁹ Amu Zambe a bo na minsôñan mi ne njalan a mebun mi ku ve mvolane wé wo yené e be nyô a suu émiene si.

³⁰ A ye kôté to'o na nyô a bili mekua, ve a ye kôtéban amu mfubane ya mo mé.