Yb 18 - Kalate Zambe Nnomo a Mfefe Mfefé Nkôñelan

Bildad a kobô Yob éyoñe baa

¹ Eyoñe te Bildad ya Kua a nga nyoñe nkobô a jô na:

² Wo ye telé kane nkobô éte nné éyoñ évé' Tuka'a fas éyoñe te bia ye su'ulane kobô.

³ Amu jé bia yené ane betit' Amu jé bia yené mise môé ane bedimi mam'

⁴ A wo wo nyabe womien ayaa dôé été, ye wo yi na si é li'i te môt amu wo' Nge na akôm é kôlô vôm e né'

⁵ Yaa, éfufube mbia môt ja ye dim, a nkaba'a nduan wo so été wo ye bo te beta faé.

⁶ Efufub ja ye bo dibi e *nda éndelé jé si, a e lambe wé a ye dim e nlô wé yôp.

⁷ Medaa mebo mé me ne ngul abui, ma ye bo mbametan, a e fe'e jé émien ja ye kpwé nye.

⁸ Amu mebo mé ma ye wua nye avot été, a a wulu e bikoé bi ôlame yôp.

⁹ ôlam ô biya nye étimekili, a bikoé bi lateya nye;

¹⁰ Nkol wo ye bi nye ô solô si été, a ôlam ô ne *zen.

¹¹ Beangôndô be mam ba ve nye woñ ba yabe nye mimfa'a mise, a ndeñele nye mfa'a ya mvus.

¹² Zaé é nnambeya ngule jé, azoé é ne nye nkômane fefel.

¹³ Mefôla y'ékobe jé me maneya diban, ntôle mon y'awu ô maneya di bibu'a bié.

¹⁴ Be vaaya nye e *nda éndelé a nga too je ndi a ngu, a ke a wo'otô émien e be njô bôte ya beangôndô be mam,

¹⁵ ô ntoo nguleya tabe e *nda éndelé jé: é nji fe bo énjé; mbia nduan a ne mmiasane *nda jé.

¹⁶ Mfa'a ya si, minkañe mié mia kôt; mfa'a ya yôp, mintyaé mia ye tyi'iban.

¹⁷ Nsimesan ba simesane nye wo ye jañe *si nyô, a nji beta bi jôé atan.

¹⁸ Be sô'ôlôya nye a so'o dibi été, ba titane nye *si nyô.

¹⁹ A nji li'i *bon nge bendaé e ayoñe dé été. Teke môt a li'i a vee e mevôm a too.

²⁰ Bôte ya mfa'a jôp da dim be ne fe'e ne vema ajô ya môse wé, a jame te da kuli ba ya jôbe da tôô ényunyui nyô.

²¹ Nalé ate menda me môt a n'ékotekot me né, a éto môt a nji yeme Zambe nje le!