Yb 17 - Kalate Zambe Nnomo a Mfefe Mfefé Nkôñelan

¹ Ma dimili mvebe, melu mam ma dim, soñ ja yange ma.

² Ye bekpwe'ele be nji bômane ma' A dise dam da yiane tabe é vee amu metaa map.

³ Ajô te bo'o ñhe ébene jam e be womien; za mfe a ye nyoñe mintyi'an asu dam'

⁴ Amu ô feteya minleme miap be bo te nguleya yemelan; ajô te wo ye bo te kañese na be dañ.

⁵ Ba bañete bemvôé asu nkabane biôme ya nsa, ve ba bañete *bon mbe mise map ma dik.

⁶ A nga telé me na me koobô *meyoñ me bôt e nlô yôp. Ve me ntoo nyô ba tui menden asu,

⁷ Dise dam e ntoo évindi amu ôlun; bibu'a biam bise bi ntoo ane nsisiñ.

⁸ Bezôsôô be bôt, be ntoo jame te fe'e ne vema, a môt a ne te bijô a kôlô si a wosane mbia môt.

⁹ Ve zôsôa môt a ngenan a yeme e zene jé été, nyô a bili mo me ne *mfuban a dañe dañe bo ngu.

Nkana * meyoñ me bôt

¹⁰ Ve mia bese, mi ntoo ve beta taté a za'ane ñhe! Ma ye bo teke yene mfefe'e be mia!

¹¹ Melu mam me lôteya, mam me nga kômbô bo me boya momo, minkômbane ya e nleme wom.

¹² Ba kôme yemete na alu nde e ntoo *môs, a na éfufup é ntoo bebé, éyoñe dibi nde e ne valé!

¹³ Ye sa vôme ya miñwuan nye ma yange an'étaba'a jam' Ma ye kôm éjô'ôba jam e dibi été;

¹⁴ ma jô soñe jame na: wo ô n'ésaa wom! A ébole na: Nyia wom a kale jam.

¹⁵ Ndi nleme jam é ne vé' Ndi nleme jam, za a ne yene je'

¹⁶ Ja ye siliki mfa'a bifeta'a bi vôme ya miñwuan mi né, éyoñe bia ye ke nsamba a wo'on e mbulu'u été.