YASUA 19 - Kalate Zambe Nnomo a Mfefe Mfefé Nkôñelan

Siméoñ

¹ Ngabe si baa é nga kôlô é mbe nyô Siméoñ, bone be Siméoñ, aval'ane mebume map me né. Ngabe jap é mbe ézezañe ngabe bone be Yuda.

² Ngap be nga nyoñ nje nyô: Birséba, Séba, Môlada;

³ Asar-Sual, Bala, Atsém;

⁴ Eltôlad-Betul, Orma;

⁵ Tiklag, Bét-Marka bôt, Asar-Susa;

⁶ Bét-Lebaôt a Saruéñ: bitison awôm a bilaa a minlame miap.

⁷ Ayin, Rimôn, Eter a Akan: bitison binyin a minlame miap,

⁸ a minlam mise mi mbe mefôla ya bitison bite, a kui Baalat-Bir, nye a ne Ramat ya nké. Ngabe si bone be Siméoñ, aval'ane mebume map me né, nje le.

⁹ Ngabe si bone be Siméoñ é nga nyoñeban afôla si bone be Yuda, amu ngabe bone be Yuda é nga dañ anen mfa'a wop, ajô te bone be Siméoñ be nga nyoñe ngap ézezañe jap.

Zabuloñ

¹⁰ Ngabe lale é mbe nyô bone be Zabuloñ, aval'ane mebume map me né. Nnéa si wop a mbe ndam a kui Sarid.

¹¹ A beté mfa'a jôp da dim a mfa'a ya Maréala, a ke nnambe Dabékét a ôtôñ wo lôt ôsu Yôkneam.

¹² A kôlô Sarid a kôñelan mfa'a jôp da tôô, e nné Kislôt-Tabor, a ke vame Dabrat, éyoñe te a bet e Yafia.

¹³ A kôlô valé a ke lôt e jôp da tôô, *zôsôô a Gita-Efer, a Ita-Kisin, a ke vame Rimôn, a kui Néa.

¹⁴ Eyoñe te a kôñelan Anatôn akôé, a ke vame mone mbi'ili Yifta-El.

¹⁵ Be nga bili fe Kata, Naala, Simrôn, Yideala; Bétléhém: bitison awôm a bibaé a minlame miap.

¹⁶ Ngabe si bone be Zabuloñ be nga nyoñ nje le, aval'ane mebume map me né; bitison bite a minlame miap.

Isakar

¹⁷ Ngabe nyini é nga kôlô é mbe nyô Isakar, asu bone b'Isakar, aval'ane mebume map me né.

¹⁸ Nné wop a nga kui Yizrél, Yesulôt, Sunem,

¹⁹ Afarayim, Kiôn, Anaarat;

²⁰ Rabit, Kisiôn, Abet;

²¹ Rémét, Eyin-Kanim, Eyin-Ada a Bét-Patét;

²² Nné ate a nga nnambe fe Tabor a Kaasima, a Bétsemék, a ke vame Yordan: bitison awôm a bisaman a minlame miap.

²³ Ngabe bone b'Isakar be nga nyoñ nje le, aval'ane mebume map me né, bitison bite a minlame miap.

Azér

²⁴ Ngabe tane é nga kôlô é mbe nyô bone b'Azér, aval'ane mebume map me né.

²⁵ Nné wop a mbe Elkat, Ali, Bétén, Aksaf;

²⁶ Alamélék, Amead a Mikal, akekui mfa'a jôp da dim, nkôle Karmél a Sior-Libnat;

²⁷ A kôñelan mfa'a jôp da tôô e Bét-Dagon; a nnambe Zabuloñ, a mbi'ili Yifta-El e Bét-Emék a Négél akôé, a ke vame Kabul e mbo ngal.

²⁸ A mfa'a ya Ebroñ, Reôd, Amon a Kana, akekui e beta Sidoñ.

²⁹ A kôñelan mfa'a ya Rama, a kui tison ôlem ba loone Tir, a mfa'a ya Osa, a su'ulane vam e mañ, éyoñe te a lôteya ngoto Akzib.

³⁰ Uma, Afék a Rehôb be too fe été; bitisone mewôm mebaé a bibaé a minlame miap.

³¹ Ngabe si bone b'Azér nje le, aval'ane mebume map me né: bitisone bite a minlame miap.

Néftali

³² Ngabe saman é nga kôlô é mbe nyô bone be Néftali, aval'ane mebume map me né.

³³ Nné wop a nga taté Eléf, Elôn, a lôté e Taananim, Adami-Nékéb a Yabnil, a kui Lakum, a ke vame Yordan.

³⁴ A tyiñelan e jôp da dim, Aznôt-Tabor, a kôlô valé a kui Ukôt; a nga nnambe Zabuloñ mfa'a ya nké, Azér, mfa'a jôp da dim a Yuda; Yordan a mbe mfa'a jôp da tôô.

³⁵ Bitison bi ne mbôma'an a alem bi mbe na: Sidim, Zér, Amat, Rakat, Kinérét;

³⁶ Adama, Rama, Asor;

³⁷ Kédés, Edré, En-Asor.

³⁸ Yireôn, Migdal-El, Orém, Bét-Anat a Bétsemék: bitison awôm a ébu a minlame miap.

³⁹ Ngabe si bone be Néftali be nga nyoñ nje le, aval'ane mebume map me né, bitison bite a minlame miap.

Dañ

⁴⁰ Ngabe zamgbwale é nga kôlô é mbe nyô bone be Dañ, aval'ane mebume map me né.

⁴¹ Nné wop a mbe: Sôréa, Ektaol, Ir-Semék;

⁴² Salabin, Ayalôn, Yitla;

⁴³ Elôn, Timnata, Ekroñ;

⁴⁴ Eltéké, Gibeton, Baalat;

⁴⁵ Yeyud, Bené-Berak, Gat-Rimôn;

⁴⁶ Mendim me Yarkôn a Rakôn, a si é ne bebé a Yafa.

⁴⁷ Amu bone be Dañ be nga bo te nguleya ba'ale si jap, nde be nga kôlô si a wosane Lékém; ane be nga nyoñe nye a jiane nye a meyo me nkpwaté mekôn: nde be nga nyoñe nye a tabe été, a loone nye jôé na Dañ, jôé ésaa wop.

⁴⁸ Ngabe si bone be Dañ nje le, aval'ane mebume map me né: bitison bite a minlame miap.

Yasua a nyoñe tison Timnat-Séra

⁴⁹ Eyoñe te be maneya nyoñe si, aval'ane minné y'été mi né, bone b'Israél be nga ve Yasua e mone Nun ngap ézezañe jap.

⁵⁰ Aval'ane Nti a nga bendé, be nga ve nye tison émien a nga sili: Timnat-Séra, e nkôle Efrayim, a nga beta lôñe je a tabe été.

⁵¹ Mengabe Ntuni Eléazar, Yasua e mone Nun a bivete ya menda me bôt, aval'ane *meyoñ me bone b'Israél me né, be nga kap a mboon *asimba ôsu Nti e Silô, anyiine *nda éndelé bendôba'an Ane nkabane si ô nga man.