YASUA 15 - Kalate Zambe Nnomo a Mfefe Mfefé Nkôñelan

Ngabe si ayoñ Yuda

¹ Ngabe si bone be Yuda, aval'ane mebume map me né é mbe é kele kui nné sii Edom mfa'a *nkôte si ba loone na sin, mfa'a ya nké, e susu'a si nké.

² Ajô te nné wop, mfa'a ya nké, a nga kôlô mañ me nku susu'a, a kôlô fe éfuse si ja funan ôyem é too *zôsôô a Négéb,

³ a kui abete nkôl ba loon akrabime nké, a lôte sin a beta bete Kadés-Barnéa nké; a lôte Esroñ a bet mfa'a ya Adar a lumbu Karka;

⁴ a beta lôt Asmôn a kui ôtôñ y'Ejipte, nné a kele kui mañ. Nné wônan ya nké nye le.

⁵ Mfa'a jôp da tôô, nné a mbe mañ me nku a kui vôme Yordan a suane mañ. Mfa'a ya akôé, nné a nga kôlô ôyeme mañ ô ne asuane Yordan.

⁶ A bete mfa'a ya Bét-Ogla, a lôte Bét-Araba mfa'a y'akôé, a beté a kui ako'o Bôañ, e mone Ruben.

⁷ Nné a nga bet mfa'a ya Debir, mbi'ili Akor ô too zañ, a kelé mfa'a ya Gilgal akôé, *zôsôô a abete nkôle Adumim, ôtôñe nké. Nné ate a nga lôt bebé mendim me En-Semék a ke vam En-Rôgél.

⁸ Nnéa si a nga bet, ataté valé a ke lôte mbi'ili Bén-Inom, avele nkôl ya Yebus mfa'a ya nké, nye a ne Yérusalém, ane a nga bet a kui Abôdim, a akôé ya susu'a mbi'ili Berefayim.

⁹ A nné ate a nga kôlô abôbône nkôle te, a kui fe anjeñe mendim me Néftôa, a lôte fe valé a ke mfa'a bitison ya nkôle Efroñ, nné ate a nga kui fe Bala ane jôé afe na Kiryat-Yéarim;

¹⁰ akôlô ya Bala, nné a nga vit mfa'a jôp da dim minkôle ya Séyir, ô lôte avele nkôle mefan mfa'a ya akôé, nye ane jôé afe na Kesalôn, nné a beta sis Bétsemék a lôte Timna.

¹¹ A ke vam avele nkôle Ekroñ, a beta lôte nkôle Bala, a kui Yabnil a ke vame mañ.

¹² Nné si ya mfa'a jôp da dim a mbe beta mañ a kindi'i jé. Avale te nde minné mi si mi bone be Yuda mi mbe, meku'u mese avale mebume map me né.

¹³ Be nga ve Kaléb, e mone Yefuné, ngabe si ézezañe bone be Yuda, avale Nti a nga bendé Yasua: Kiryat-Arba, nye a ne Ebroñ: Arba a mbe ésaa Anak.

¹⁴ Kaléb a nga wôlé bone b'Anak belaa mesi: Sésayi, Ayiman a Talmayi, be so'o mvoñe Anak.

¹⁵ Akôlô ya valé nde, a nga ke wosane bôte ya Debir, nye be nga loone melu mvuse na Kiryat-Séfer.

¹⁶ Kaléb a nga jô na: Môt a ye bôé Kiryat-Séfer a nyoñe nye, ma ye ve nye ngo jam Aksa é bo minga wé.

¹⁷ Ajô te Otni e mone Kenaz, monyañe Kaléb, a nga nyoñe nye: nde Kaléb a nga ve nye ngo jé Aksa é bo minga wé.

¹⁸ Eyoñe Aksa a nga nyiine ndaa Otniél, ane a nga tindi nye na a sili ésaa wé Kaléb afub. Nde a nga yôô a tebe si, a kôlô'ô éjakase jé yôp, ane Kaléb a nga sili nye na: Wo kômbô jé'

¹⁹ Nde a nga yalane na: Mvama'ane ma a ve fe ma menjeñe mendim, amu ô nga toé ma éfuse si ya nké. Nalé a nga ve nye menjeñe mendim ya akôé a nké.

²⁰ Ngab ayoñ bone be Yuda nje le, aval'ane mebume map me né.

²¹ Bitison bi nga too aku'u si bone be Yuda, mfa'a nné Edom a Négéb été mbie bi: Kabsél, Eder, Yagur;

²² Kina, Dimôna, Adada;

²³ Kédés, Asor, Itañ,

²⁴ Sif, Télém, Béalôt;

²⁵ Asor-Adata, Keriyôt. Esroñ, nye a ne Asor;

²⁶ Aman, Sema, Môlada;

²⁷ Asar-Gada, Esmôn, Bét-Palét;

²⁸ Asar-Sual, Birséba, Biziôtia;

²⁹ Bala, Iyim, Atsém;

³⁰ Eltôlad, Késil, Orma;

³¹ Tiglag, Madmanna, Sansanna;

³² Lebaôt, Silyim, Ayin a Rimôn, bise bi mbe bitison mewôm mebaé a ébu ô laté a minlame miap.

³³ Mfa'a ya nje'ese: Estaol, Tôréa, Asna;

³⁴ Zanôa, En-Ganim, Tapua, Enam;

³⁵ Yarmut, Adulam, Sôkô Azéka,

³⁶ Sarayim, Aditayim, Gedéra a Gedérôtayim: bitison awôm a binyin a minlame miap.

³⁷ Tenañ, Adasa, Migdal-Gad,

³⁸ Dileañ, Mispé, Yôktél,

³⁹ Lakis, Bôtkat, Egloñ;

⁴⁰ Kalôn, Lamas, Kitlis;

⁴¹ Gedérôt, Bét-Dagon, Naama a Makéda: bitison awôm a bisaman a minlame miap.

⁴² Libna, Eter, Akan;

⁴³ Yifta, Akna, Nésib;

⁴⁴ Kéla, Akzib a Marésa: bitison ébu a minlame miap.

⁴⁵ Ekroñ, bitison bi tii a nye a minlame miap;

⁴⁶ ataté Ekroñ mfa'a jôp da dim, bitison bise bi ne bebé a Asdôd a minlame miap,

⁴⁷ Asdôd, bitison bi tii a nye a minlame mié; Gaza, bitison bi tii a nye a minlame mié, akekui, ôtôñe y'Ejipte, e mañ me ne anen a kindi'i jé.

⁴⁸ Mfa'a ya nkô: Kamir, Yatié, Sôkô,

⁴⁹ Dana, Kiryat-Sana, nye a ne Debir,

⁵⁰ Anab Ektemô, Anim;

⁵¹ Gôzen, Ôloñ a Gilô: bitison awôm a jia a minlame miap.

⁵² Arab, Duma, Ekeañ;

⁵³ Yanum, Bét-Tapua, Aféka

⁵⁴ Uméta Kiryat-Arba, nye a ne Ebroñ a Tior: bitison ébu a minlame miap.

⁵⁵ Maôn Karmél, Zif, Yuta.

⁵⁶ Yizrél, Yokdéam, Zanôa,

⁵⁷ Kayin, Gibéa a Timna: Bitison awôm a minlame miap.

⁵⁸ Alul, Bét-Sur, Gedor;

⁵⁹ Maarat, Bét-Anôt a Eltekôn: bitison bisaman a minlame miap.

⁶⁰ Kiryat-Bal, nye a ne Kiryat-Yearim a Raba: bitison bibaé a minlame miap.

⁶¹ Mfa'a ya fé: Bet-Araba, Midin, Sekaka;

⁶² Nibkan, Ir-Améla a Eyin-Gédi: bitison bisaman a minlame miap;

⁶³ bone be Yuda be nga bo teke ngule ya nyoñe si Beyébuzieñ mbe be nga too Yérusalém; Beyébuzieñ bete baa be bone be Yuda be nga tabe Yérusalém azukui môse wu.