Tt 2 - Kalate Zambe Nnomo a Mfefe Mfefé Nkôñelan

E mame bôte ya * nda jia ba yiane bo

¹ Ve wo, kobô'ô e jam da yiane nya nye'elane.

² Bemvendé befam be bo'o ôjibi, éjijin, fek, njalan a mbunan ô ne *zôsôô, nye'an a mban.

³ Bemvendé be binga, avale da, be tabe'ane da yiane mam me ne étyi, saa bôte bibôta, nge bebete ôdo'é a alo e nyuane bilam, be ye'ele'e mam me ne mvaé.

⁴ Be ye'ele bengone be binga ane ba yiane nye'e beyôm a bone bap.

⁵ Be bo éjijin, *mfuban, be bo benya beba'ale menda mabe *mvo'é, ba ba yian, be suu bebiene si e be beyôme bap, nde mejô me Zambe ma ye bo te biaséban.

Bisoé

⁶ Lebe fe bisoé bendômane be bo fek

⁷ mfa'a ya mame mese. Liti'i womien éve'ela mfa'a ya mbamba mimboon: e mfubane nye'elan été,

⁸ nkobô ô ne *zôsôô te nguleya vebane bijô. Nde nsiñe wongan a ye wô'ôson amu a nji bi jam e ne *abé ya jô bia.

Belo

⁹ Belo be tabe'e éjôé bemasa babe si, mfa'a mam mese. Be yené'é mvaé, a sa'ale bo be ôlangan,

¹⁰ a bo te wup. Be kele ôsu a bo ba ya buni éyoñ ése. Nalé ba ye wumulu nye'elane Zambe Nyi i wongan mimfa'a mise.

Mvame Zambe

¹¹ Amu mvame Zambe é yenéya, anjeñe nyian asu bôte bese.

¹² Ja ye'ele bia bi lik *abé a minkômbane ya si ndôn, nde bia ye nyiñe ntye e si ya éyoñe ji, *zôsôô, a e nye'ane mam me Zambe été,

¹³ nté bia yange mefo'a ndi *nlem a nliteban étôto'o beta Zambe wongan a Nyii bôt Yésus Krist.

¹⁴ A nga ve émien amu bia, nde a ye kôté bia *abé ese, a fubu ayoñ e ne éndé, nde e ne éndé, nde e ne ayôñ asu mbamba mimboon.

¹⁵ Avale te nde wo yiane kobô, e lep a komekan a ngule njôan ése. Môt éziñ a bo'o te biasé wo.