SAMUEL BAA EJÔÉ DAVID 4 - Kalate Zambe Nnomo a Mfefe Mfefé Nkôñelan

Ba wôé Isbôsét

¹ Eyoñe mone Saül a nga wô'ô na Abnér a wuya Ebroñ, mo mé me nga tek a Israél ase a nga ko woñ.

² E mona Saül a nga bili bivete ya minsamba bibaé, jia jôé na Baana, ji évo'o na Rékab; be mbe bone be Rimôn ya Beérôt, mvô'ô Bényamin.

³ Amu Beérôt a mbe ane éfase ya Bényamin, a bôte ya Beérôt, be nga tup e Gitayim, be nga tabe wé a kui môse wu.

⁴ Yônatan, e mona Saül, a nga biaé mbômbô'ô monafam, a mbe mimbu mitan éyoñe foé ya awu Saül a Yônatan é nga so Yizrél; minga a nga ba'ale nye a nga nyoñ nye a tup. Avôle ya minga a tube te, nde mon a nga ku a feneke; jôé dé é mbe Mefibôsét.

⁵ Eyoñ ayôñ ya *môs da bo, bone be Rimôn ya Beérôt, Rékab a Baana, be nga ke e ndaa Isbôsét, a koone na a bôô si a woko'on e zañe *môs.

⁶ Nde be nga nyiin e *nda été aval'ane nge ba nyoñ avut, nde be nga bibi nye abum; ane Rékab a Baana monyañ be nga tup.

⁷ Be nga nyiine *nda été éyoñ a mbe a woko'on énoñe jé yôp, ji é mbe étune *nda jé, nde be nga bibi nye a wôé nye. Be nga tyi'i nye nlô, be nyoñe fe wô a wulu ngum alu e zene ya Araba.

⁸ Be nga kee nlô Isbôsét e be David Ebroñ a jô njô bôte na: Nlô Isbôsét wu, e mona Saül, nsiñe wôé, nyô a nga kômbô wôé wo; Nti a kuneya njô bôt e masa wome den be Saül a mvoñe bôte jé.

⁹ Ane David a nga yalan Rékab ba Baana monyañ, bone be Rimôn ya Beérôte na: Ane Nti a vee, Nyô a nga kôté ma nju'u ôse été!

¹⁰ Môt a nga zu kate ma foé na: Saül a wuya, a buni'i na a kate ma mbamba foé, me nga bo na be bi nye a wôé nye e Tiklag, asu ya ya'ane nye amu mbamba foé ate!

¹¹ A éyoñe mbia be bôt ba wôé môt a ne te bijô e *nda jé a éjô'ôba jé, ye ma ye bo te sili metyi mé e mo menan éyoñe ji a vaa mia *si nyô'

¹² Nde David a nga ve bendômane bé abendé na be wôé be; ane be nga tyi'i be mo a mebo a tyelé be yôp abôñe étam Ebroñ. Eyoñe te fe be nga nyoñe nlô Isbôsét a jame wô e soñe Abnér Ebroñ,