Oz 5 - Kalate Zambe Nnomo a Mfefe Mfefé Nkôñelan

Mbia beye'ele y'Israél

¹ Vô'ôla'ane jame dina, mia betuni, vô'ôlô'ô a *nda bôt Israél, ke'e alo a *nda njô bôt, amu ntyi'ane mejô ô ne jôme jenan, ve mi nga viane bo ôlam e Mispa, a avot é yaa e nkôle Tabor,

² Ebé é n'édok e Sitim. Ve ma ma ye ve bese *melep ma yian, nalé Nti a jô.

³ Ma yem Efrayim, a Israél a se nguleya sobô ma, amu éyoñe ji a Efrayim, ô nyiineya ébamba été, a Israél a veya émiene mvin.

⁴ Mimboone miap mi nji fe ve b'afôla ya bulane be Zambe wop, amu *nsisim ébamba wo vuñe be be, a be nji ke yeme Nti.

⁵ Mebune m'Israél ma bo'olô nye. Israél a Efrayim ba sendé ékobe jabe yôp, ba be Yuda fe ba sendé.

⁶ Ba beta zu jeñe Nti, be bili mintômba, bikela a benyak, ve ba ye bo te yene nye. A kandaneya be.

⁷ Be kuaneya Nti, amu be biaéya bone mejian; éyoñe ji, teke kui ngume ngon, ba ye jañ a akume dab ése.

Bita e zañ Efrayim a Yuda

⁸ Loñane toñe nlak e Gibéa a nya toñe e Rama! Bômane nkul ébañ e Bét Avén! Tabe'e ntye e mvuse jôé a Bényamin!

⁹ Efrayim a ye bo bilik e môse *melep ma ye kui be nye. Ma kate foé é ne bebela e meyoñe y'Israél été.

¹⁰ Bivete ya Yuda bi ne bôt ba vaa minné e vôm mi mbe; ma ye sôé be ayaa dam ane mendim

¹¹ Ba tibili Efrayim, ba bu'u nye e ntyi'ane mejô été, amu a nga bo melo ya tôñe momo.

¹² A ma ma ye bo an'ako mfa'a Efrayim, a aval'an'ôkone mesôñ e *nda bôte Yuda.

¹³ Efrayim a yemeya *abé dé, a Yuda angôndô ya mboone wé, éyoñe te Efrayim a nga kôñelan mfa'a y'Asiri, a nga lôme bôt e be beta njô bôt. Ve njô bôt ate a se nguleya kôm mbia jame wé, nge yet ôkone vienan, a mia bôte y'Efrayim.

¹⁴ Amu ma Nti ma jimbi mia ane ngbwengbwem, a bi Yuda an'étoñe ngbwengbwem. Ma ma ye nyap, a ma ye kee jôm ma te bi, a teke môt a ye bo nguleya wôlé ma je.

¹⁵ Ma ye ke a beta bulane vôme wom, akekui be kañeseya mekua map a jeñ asu dam. Olune wob été, ba ye taté na ba jeñe ma.