Oz 3 - Kalate Zambe Nnomo a Mfefe Mfefé Nkôñelan1 Ane Nti a nga jô me na: kelek, nyeke'e minga môte mfe *a nye'e, nyô a ve émien mboone *mejian: amu avale te fe nde Nti *a nye'e bone b'Israél. Eyoñe be ba kôñelane be bezambe befe, *a nye'e biwôlé ba yam, a bibuma bi ndi'i woon. 2 Nde me nga kuse nye tañe besikel be argent awôm a betan, a ôve'e fône wua a étun. 3 Me nga jô nye na: wo ye bo éñwom melu abui, ébamba momo, nalé fe teke bo minga fame fe. Avale te nde ma fe ma ye bo mfa'a wôé. 4 Nalé ate bone b'Israél ba ye tabe abui melu: teke njô bôt, tek'évet, teke *bityi'a, te k'akôn ôzezambe, tek'éfôd nge *ngunemelan. 5 Eyoñe mam mete me maneya, bone b'Israél ba ye beta jeñe Nti, e Zambe wop, a David njô bôte wop. Ba ye kôñelane be Nti a akume dé melu ma zu. |
Bible en langue Bulu © L'Alliance Biblique du Cameroun, 2007, 2015.
Bible Society of Cameroon