Oz 13 - Kalate Zambe Nnomo a Mfefe Mfefé Nkôñelan

Awu ya bôte ba bene Zambe

¹ Eyoñ Efrayim a mbe a kobô'ô, bôte bese be mbe be ko woñ. A mbe mben ayoñ Israél été. Ve mekua me nga zu be nye éyoñ a nga kañe Baal, a jame te é nga soo nye awu.

² Eyoñe ji tame yenan ane bôt ba kañge e mboon *abé, be boya bebien éve'ela'a a argent a ne nyeman, bengunemelan bebien be nga té; bese be too mboone mo me bôt. Ba jô ajô dabe na: bia yiane ve *bityi'a! Jame ya kame na bôt ba wubane bitoñe benyak! Mi lôô avale mboone te nga'

³ Ajô te ñhe bôte bete ba ye jañ ane nkute ya mametyé, ane mfô mendime ya mametyé, ane minkôte bilok ba vaa e nseñ ba tya'a bidi, an? ôtita wo kui nlom.

⁴ A ma me ne Nti e Zambe wôé, ataté si y'Ejipte. O nji yeme Zambe mfe ve ma, a ma étam me ne nyii bôtô.

⁵ Ma, me nga yeme wo e *nkôte si, e si é n'ayôñ abui.

⁶ V'éyoñe be nga bi bidi betit, be nga jaé, a éyoñ be jaéya, minleme miap mi nga bo mebun, ajô te be nga vuane ma.

⁷ Ma ye bo ane ngbwengbwem e be be; ane ze e zene yôp, mise mam ma ye fombô be e vôm ase ba ke.

⁸ Ma ye yaa be ane ñyôyo'o tit ba te wôlé *bon, ma ye nyab édibe ya nleme wop, a mine be ane ngale ngbwengbwem. Betite ya fé ba ye nyabe be mefus mefus.

Amu jé Israél a tyamban

⁹ Jam da jiane wo a Israél, e ne amu ô nga ke me ngame yat, nyô a mbe nguleya volô wo.

¹⁰ Njô bôte wôé a ne ñhe vé éyoñe ji' A tame ñhe nyii wo e bitisone biôé bise été! Bejô bôte bôé be ne vé, mbe ô mbe ô jô'ô na: va'a me njô bôt a bivet'

¹¹ Ayaa dam été, me nga ve wo njô bôt, ñyaane wom été ma ye vaa nye.

¹² Bikobe bi bôte y'Efrayim bi ne ntilane ngume vôm, mam ma bo'olô ékobe jé me ne mba'alan mbamba vôm.

¹³ Mintaé ya nyô a kô'ôlô mie mia ye kui be nye. Ve mon ate a ne akut, amu a bene kui atan abume nyia éyoñ éyoñ é kuiya.

¹⁴ Ve ma Nti, ye ma yiane vaa bôte bete e biaé bi awu, a kôté be vôme miñwuan' A awu, mengale môé me ne vé' A vôme miñwuan, ngule jôé ya Jian é ne vé' Dise dam é ne ndiman mfa'a éngôngo.

¹⁵ Efrayim a kôsa yaé a bo kum ézezañe bobenyañe bé, ve évuñulu ya jôp da tôô ja ye zu, mfebe Nti, ô so'ok e *nkôte si, wo ye kôtô anjeñe dé, a vele vôm a labe mendim. Ba ye mane kee akum a biôm bise bi n'édima.