NLITAN 7 - Kalate Zambe Nnomo a Mfefe Mfefé Nkôñelan

Ayoñe Zambe

¹ E mvuse mame mete, me nga yene beéngele benyin be tele meku'u menyin ya si. Be feteya bivuñulu binyine ya si, ane évuñulu éziñ é ne bo te vuñ e si, e mañ, nge e be élé éziñ.

² A me nga yen éngele mfe a so'o mfa'a jôp da tôô. A nga bili sitame vevea Zambe. A nga kobô e beéngele be nga nyoñe ngule ya ndeñele si a mañ tyiñe yôp a jô na:

³ te ndeñelane si a mañ a bilé, akekui bi maneya futi *sitam e mesu bebo bisaé be Zambe wongan.

⁴ A me nga wô'ô tañe ba be nga futibane *sitam e mvome mesu. Be mbe betoyini ntet a mewôm menyin a benyin, be so'o e meyoñe mese me bone be Israél.

⁵ Ayoñe Yuda, be nga futiban *sitam mvome mesu toyini awôm a ébaé! E mvô'ô Ruben toyini awôm a ébaé, e mvô'ô Gad toyini awôm a ébaé. E

⁶ mvô'ô Azér toyini awôm a ébaé, e mvô'ô Néftali toyini awôm a ébaé.

⁷ E mvô'ô Siméoñ toyini awôm a ébaé, e mvô'ô Isakar toyini awôm a ébaé,

⁸ e mvô'ô Yôsep toyini awôm a ébaé. E mvô'ô Bényamin, be nga futibane ndem e mvome mesu toyini awôm a ébaé.

Bizu'u Mintobane mi bôt

⁹ E mvuse mame mete, me nga fombô a yene beta nsamba bôt. Teke môt a mbe ngule ya lañe tañe jap. Be so'o meyoñe mese, a e be bôte bese, a *minkobô mise. Be nga tele betetele asu éto njôan a asu Mone Ntômba, be be'e bifumulu bizingi be bili mebui melen e mo.

¹⁰ Be nga yôtane tyiñe yôp a jô na: Nyian ô ne jôme Zambe wongan, nyô a too éto njôan, a e jôme Mone Ntômba.

¹¹ A beéngele bese be nga sulan, mbôma'an éto njôan a bemvendé, a betite benyiin be nga ku si bubutu asu éto njôan a kañe Zambe.

¹² Be nga bo be jô'ô na: Amen. Ekaña'a, étôtok, fek akéva, duma, éwôlô a ngu bi bo'o e be Zambe wongan nnôm éto a nnôm éto! Amen.

¹³ Wua ya bemvendé a nga nyoñ nkobô a jô me na: E bôt be be'e bifumulu melô'ô ba, be ne beza, a ba so vé'

¹⁴ Me nga yalane nye na: A Nti wom, wo wo yem. Ane a nga jô me na: Ba so e beta *meve'ele été. Be nga sôbe melô'ô map a dube me éfumulu e metyi me Mone Ntômba été.

¹⁵ Ajô te be tele ôsu éto njôane Zambe, a kañe nye *môs baa alu e *nda Zambe été. A nyô a too éto njôan a ye buti be e *nda éndelé jé été.

¹⁶ Baa ye fe wô'ô zaé nge évé. Jôp a nduane jé bia ye bo te beta di'i be.

¹⁷ Amu Mone Ntômba a tele ézezañ éto njôan a ye bo mba'ale wop. A a ye kee be vôme menjeñe mendim me né. A Zambe a ye fimi mili'i mese e mise map.