NLITAN 6 - Kalate Zambe Nnomo a Mfefe Mfefé Nkôñelan

Besitam besaman ya ôsu

¹ Nde éyoñ Mone Ntômba a nga kui éfeta'a ôsu ya bifeta'a zamgbwa, me nga wô'ô tit ôsu ya betite benyiin é jô'ô a tyiñe zo'oyañ na, za'ak.

² A me nga yen éfumulu ékabela, e môt a nga bete je yôp a nga bili akoñ *élaé, ékate duma é nga vebane be nye, a nga ke ane medañe, mfa'a ya ke dañ.

³ Eyoñ a nga kui éfeta'a baa, me nga wô'ô tite baa é kobô'ô na: Za'ak!

⁴ Ane ékabela éfe é nga vam ane nduan. Ngule ya vaa *mvo'é e si na bôt be wôan é nga veban e be nyô a nga bete je yôp. A beta nkpwaté mekôn a nga vebane be nye.

⁵ Eyoñ a nga kui éfeta'a lale, me nga wôô e tite lale é kobô'ô na: Za'ak! A me nga yen: évindi ékabela. Nyô a nga bete je yôp a nga bili kop e wo.

⁶ A me nga wô'ô jôm aval ane *tyiñ, ézezañe betite benyiin é jô'ô na: ô ve'e nlisi wua tañe denié wua, ave'e fôn ala, tañe denié wua. Ve mfa'a mbon a woon, te nambe bie.

⁷ Eyoñ a nga kui éfeta'a nyini, me nga wô'ô tite nyini é jô'ô na: Za'ak!

⁸ Ane me nga fombô e teme na, ékabela é too ékukut. E nyô a nga bete je yôp, be lo'one nye jôé na awu, étaba'a miñwuan é tôñe nye mvus. Ane ngul é nga vebane be be mfa'a ngap jia ya mengap menyiin ya si na be wôé bôt a nkpwaté mekôn, a zaé, a awu, a miñyôyo'o betite ya si.

⁹ Eyoñ a nge kui éfeta'a tane, me nga yen ata'a metuna'a si minsisime ya ba be nga wôéban amu ajô Zambe a amu nkañetane be nga kañete ane bengaa.

¹⁰ Be nga yôtan a ngule *tyiñ, a jô na: Ntéavé a Masa a ne étyi a bebela, wo ye yange asu ntyi'ane mejô a nkunane metyi mangan e be bôt be too *si nyô'

¹¹ Wôna éfumulu ézingi é nga veban e be môt ase ya be be, be nga jô be na, be tame jibi nté éziñ, akekui tañe beébe bebo bisaé bap a bobenyañe bap é jalébaneya, mbe ba yiane wôéban avale fe ane be.

¹² Eyoñ a nga kui éfeta'a samane, beta mfô'ôsane si a nga bo. Jôp e nga bo dibi aval ane éyé melina, a ngon ése ki ane metyi.

¹³ Ateté ya yôp e nga ku si aval ane bityese bibuma bi figié éyoñ ôkôs wo su'u bie.

¹⁴ Yôp e nga kôlô aval ane kalate ba vuluku. Minkôle mise a bikôte bi mañ bise bi nga fô'ôsan.

¹⁵ Bejô bôte ya *si nyô, e ba benen, bivete *minsamba mewosan, minkukum a mingungu, bese, belo a beti, be nga sobô e mimbase *mekok a mekôme ya minkô.

¹⁶ Be mbe be jô'ô minkô a mekôme na kpwa'ane bia yôp, a sola'ane bia ôyap a nyô a too éto njôan, a ôyap a ayaa Mone Ntômba!

¹⁷ Amu beta môse ya ayaa dap a soya, a za a ye nyiñ'