NLITAN 16 - Kalate Zambe Nnomo a Mfefe Mfefé Nkôñelan

¹ A me nga wô'ô beta *tyiñ a so'o *nda Zambe, a jô'ô beéngele zamgbwale na: Kelan a sôé bisua zamgbwale ya ayaa Zambe e si.

² E nyô ôsu a nga ke a sôé ésua jé e si. Mbia mefô me nga bi e bôt be nga be'e ndeme tit a kañe éve'ela jé!

³ E nyô baa a nga sôé ésua jé e mañ. Ane mañ me nga bo ane metyi me mbim, e jôm ése ya mañ é nga bili mvebe ényiñ é nga wu.

⁴ E nyô lale a nga sôé ésua jé asôé, a e menjeñe mendim: asôé a menjeñ bi nga veñesane metyi.

⁵ A me nga wô'ô éngele a ne njôô mendim a jô'ô na: O ne *zôsôô a mfufup, wo ya ô too, e wo ô nga to, amu ô nga liti e *zôsôô wôé.

⁶ Amu be nga kuli metyi mimfufup a bekulu mejô, a metyi fe mme ô nga nyuu be. Nalé a yiane be!

⁷ A me nga wô'ô ata'a metuna'a e jô'ô na: Yaa, a Nti Zambe a ne ngul ése, mintyi'ane mejô miôé mi ne njalan a benya mejôô a *zôsôô.

⁸ E nyô nyiini a nga sôé ésua jé e jôp. A ngul é nga vebane be je na é di'i bôt a nduane jé.

⁹ A bôt be nga dik a beta ayôñ. A be nga kobô jôé Zambe ébiasé, e nyô a bili ngule njôan e be bibubua bite, ve be nji kôñelane minleme na, be kañe nye.

¹⁰ E nyô tane a nga sôé ésua jé éto njôane tite yôp. A éjôé jé é nga ku e dibi été. Bôt be nga nyalé ayem a mintaé.

¹¹ A be nga kobô Zambe ya yôp ébiasé, amu mintaé miap a mefôle map. Ve be nji kôñelane minlem mfa'a mimboone miap.

¹² E nyô samane a nga sôé ésua jé ôsôé Efrate, mendim me nga viele a ve bejô bôte ya mfa'a jôp da tôô *zen.

¹³ A me nga yene mbia minsisim mila mi funa'ane minkongo, mi so'o anyu dragoñ, e di tit, a e di *nkulu mejô minsos.

¹⁴ Mi ne fo'o ve mimbia minsisim. Mia bo mesimba, a ke yene bejôô ya *si nyô ése, be sulane be asu mewosane ya beta môse Zambe a ne Ngulése.

¹⁵ Tame yen, ma zu ane ñwuwup. Ebotan a môt a mombô, a ba'ale mengômesane mé, a za kee soé a jô'é ôsone ya soé jé ô yené.

¹⁶ Ane be nga sulane be e vôm ba loone *nkobô Hébre na, Armagédoñ.

¹⁷ E nyô zamgbwale a nga sôé ésua jé e ñyeme yôp. A beta *tyiñ a nga so éto njôan a jô'ô na: E bobaneya.

¹⁸ Ane befeleves a metyiñ, a bezo'oyañ a angôndô mfô'ôsane si ñwô ôte ô ngenan te tame boban avale te ane môt a tabe *si nyô bi nga tôñ.

¹⁹ Ane beta tison a nga salane zañ bifase bilaa, a bitisone *meyoñ bi nga ku.

²⁰ Ane Zambe a nga simesan beta Babilôn, mfa'a ya ve nye *élaé e vôme woone y'ayaa dé a kundi! Ane bikôte bi mañ bise bi nga mate, a minkô mi nga jañ.

²¹ Beta meta'a, adit ane betalañ, be nga ku bôt nyôl be so'o yôp. A bôt be nga kobô Zambe ébiasé amu ébubua meta'a, amu ébubua te é nga dañ ékowoñ.