Biblia Todo Logo
Bìoball air-loidhne

- Sanasan -

NLITAN 10 - Kalate Zambe Nnomo a Mfefe Mfefé Nkôñelan

1 A me nga yen éwôlô éngele éfe é so'o yôp. E nga be'e *nkut, étôtok é nga bôman asu dé. Asu dé e mbe aval ane jôp, a mebo mé aval ane minsum mi nduan.

2 A nga bili mone nkulane kalate e wo wé. A nga telé abo dé ya mbo nnôm e mañ, e di ya mbo ngale ke e si.

3 A nga kobô tyiñe ngu, aval ane ngbwengbwem ja bam. Eyoñ a nga bam, bezo'oyañ zamgbwa be nga kuli metyiñe map.

4 Eyoñe bezo'oyañ be maneya bam mbôlô me nga ye tili, me nga wô'ô *tyiñ é so'o yôp é jô'ô me na: Ba'ale'e nsolane jame ya bezo'oyañ zamgbwa, a te tili wô.

5 A éngele me nga yen a tele e mañ a si, a bete mbo nnôme yôp

6 a kane ngana a jôé nyô a too nnôm éto, nyô a nga té yôp a biôm bi nee été, si a biôme bi nee été, mañ a biôm bi nee été a jô'ô na: Nté éyoñ ô nji fe bo.

7 Ve melu ba ye wô'ô éngele zamgbwale a taté'é nloñane toñe jé, éyoñe te nsolane jame Zambe wo ye kpwaan, aval ane ô nga kateban e be bebo bisaé bé bekulu mejô.

8 A *tyiñ me nga wôk é so'o yôp é nga beta kobô ma é jô'ô na: Kele nyoñe nkulane kalate e wo éngele été, nye a tele mañ a si.

9 Me nga ke éngele bebé, a ye'elane nye na a ve ma mone kalate. Nde a nga jô me na: Nyoñôk a di nye. A ye bo ayô e *miñya miôé été, ve anyu dôé été a ye bo *zam ane wôé!

10 Ane me nga nyoñe mone kalate e wo éngele, a di nye. Anyu dam été a mbe *zam ane wôé. Ve éyoñ me diya nye *miñya miam mi nga boban ayô.

11 Ane be nga jô me na: Wo yiane beta kulu mejô e be bôt, e be meyoñe me bôt, *minkobô a e be bejô bôt abui.

Bible en langue Bulu © L'Alliance Biblique du Cameroun, 2007, 2015.

Bible Society of Cameroon
Lean sinn:



Sanasan