NLAÑANE BÔT 7 - Kalate Zambe Nnomo a Mfefe Mfefé Nkôñelan

Mimvean asu mveane Zambe ata'a metuna'a

¹ Eyoñe Môze a nga mane telé *tabernakel, a nga wo'o mbon a telé nye étyi a biôme mebelan bise y'été; avale te fe a nga bo ata'a metuna'a a biôme mebelan bise y'été. A nga wo'o bie mbon a telé bie étyi;

² éyoñe te bivete ya menda me bôt, ba be nga volô ésaé ya lañe bôt, be nga zu bebé avale *meyoñ y'Israél me né.

³ Be nga zu ve Nti mimvean avale di: bikalik bi ne mbutane yôp bisaman a beyôm benyak awôm a bebaé. Ekali'i ése é mbe mveane ya bivete bibaé, a nnôme nya'ase mveane ya évete jia. Be nga zu liti bie ôsu *tabernakel,

⁴ nde Nti a nga kobô Môze na:

⁵ Kañese'e mimveane miap! Bikalik a benya'a bete ba ye belane bie asu ésaé ya *nda éndelé bendôba'ane. Wo ye kalane bie bone be Lévi ane bisaé biap bi né.

⁶ Nde Môze a nga nyoñe bikalik a benyak a kabe bie bone be Lévi;

⁷ a nga ve bone be Gerson bikali'i bibaé a nya'a ényin, nalé ate ésaé ja ye bo be tyi'ibi.

⁸ Bikali'i binyin a nya'a muam bi nga li'i asu bone be Merari, nalé ate ésaé jap ja ye fe bo tyi'ibi: Itamar e mone Aron *ntuni a too be évet.

⁹ Ve bone be Kehat be nji ke nyoñe jôm, to'o bikalik, to'o benyak, amu mbe be nga ba'ale biôm bi n'étyi, a be nga yiane be'e bie e bitule biabe yôp.

Mimvean asu ya ve Zambe ata'a metuna'a

¹⁰ E môse be nga telé ata'a metuna'a étyi, bivete ya menda me bôt bi nga soo fe mimvean asu ya ve Nti ata'a metuna'a te.

¹¹ Ve Nti a nga jô Môze na: Bivet bia yiane zu ve mimveane ya ve Nti ata'a metuna'a, môt ase e môse wé.

¹² Môt a nga ve mveane wé e *môs ôsu a mbe Nason e mone Aminadab ya mvô'ô Yuda.

¹³ Mveane wé ô mbe na: Be'e argent a too adit besikel ntet a mewôm mela, *élaé argent é too adit besikel mintete zamgbwa, avale sikel ya *tabernakel a né; be'e ate a *élaé te njalan a mbamba avut a ne mfu'an ate a mbon asu mvean;

¹⁴ beta *élaé or a too adit besikel awôm, njalan a ôlobinda;

¹⁵ Etoñe nnôme nyak, nnôme ntômba, mone ntômba a ntoo mbu wua asu mvean ô ne ngumba,

¹⁶ nnôm ékela asu étyi'a *njaman abé;

¹⁷ a asu metuna'a nlatane ngbwa, nya'a ébaé, beyôm mintômba betan, beyôm bikela betan, bone mintômba be ntoo ngumba mbu betan, mveane Nason, e mone Aminadab a nga ve ñwô le.

¹⁸ E môse baa, Natanaél e mone Suar, évete mvô'ô Isakar, a nga bili mveane wé ana:

¹⁹ be'e argent adit besikel ntet a mewôm mela, *élaé argent adit besikel mewômezamgbwa avale sikel ya *tabernakel a né, njalan bebaane a ékekeb avut mfu'an a mbon asu mimvean;

²⁰ beta *élaé or besikel awôm, njalan a ôlobinda,

²¹ étoñe nnôme nyak, nnôme ntômba wua, étoñe ntômba é ntoo ngume mbu asu mvean ô ne ngumba;

²² nnôm ékela wua asu étyi'a ya *njaman abé.

²³ A asu metuna'a ya nlatane ngbwa; nya'a ébaé, beyôm mintômba betan, beyôm bikela betan, bitoñ mintômba bitan bi ntoo mbu wua: mveane Natanaél a nga ve ñwô le.

²⁴ E môse lale ô mbe wu évete bone be Zabuloñ, Eliab e mone Elôn.

²⁵ Mveane wé ô mbe ana: Be'e argent adit besikel ntet a mewôm mela, *élaé argent besikel mewôme zamgbwa avale sikel ya *tabernakel a né, bebaane njalan a ékekeb avut, mfu'an a mbon asu mimvean;

²⁶ beta *élaé or besikel awôm, njalan a ôlobinda;

²⁷ étoñe nnôme nya'a jia, nnôme ntômba wua, étoñe ntômba é ntoo mbu wua jia asu mvean ô ne ngumba;

²⁸ nnôm ékela wua asu étyi'a ya *njaman abé;

²⁹ a asu metuna'a me nlatane ngbwa: nya'a ébaé, beyôm mintômba betan, beyôm bikela betan, bitoñe mintômba bi ne mbu wua bitan: mvean Eliab e mone Elôn ñwô le.

³⁰ Evete bone be Ruben, Ebisur e mone Sédér, é nga zu e môse nyini.

³¹ Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean;

³² kobe or jia é ne besikel awôm njalan a ôlobinda;

³³ étoñe nnôme nya'a jia, nnôme ntômba wua, étoñe ntômba é ntoo mbu wua jia, asu mvean ô ne ngumba;

³⁴ nnôm ékela wua asu étyi'a *njaman abé;

³⁵ a nya'a ébaé, beyôm mintômba bebaé, beyôm bikela betan, bitoñe mintômba bitan bi ntoo mbu wua asu metuna'a me nlatane ngbwa: mvean Elisur e mone Sédéur ñwô le.

³⁶ Evete bone be Siméoñ, Selumiél e mone Surisadayi é nga zu ve e môse tane.

³⁷ Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean;

³⁸ beta *élaé or besikel awôm, njalan a ôlobinda;

³⁹ étoñe nnôme nya'a jia, nnôme ntômba wua, étoñe ntômba jia asu mvean ô ne ngumba,

⁴⁰ nnôm ékela wua asu étyi'a *njaman abé.

⁴¹ Benya'a bebaé, beyôm mintômba bebaé, beyôm bikela bebaé, bitoñe mintômba bi ntoo mbu wua bitan asu metuna'a me nlatane ngbwa: mveane Selumiél e mone Surisadayi ñwô le.

⁴² Evete bone be Gad é nga zu e môse saman, jôé na Eliasaf e mone Deuél.

⁴³ Mveane wé ô mbe na: Be'e argent besikel ntete a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean;

⁴⁴ beta *élaé or besikel awôm, njalan a ôlobinda,

⁴⁵ étoñe nnôme nyak, nnôme ntômba wua, étoñe ntômba é ne mbu wua, jia asu mvean ô ne ngumba,

⁴⁶ nnôm ékela wua asu étyi'a *njaman abé;

⁴⁷ nya'a ébaé, a beyôm mintômba betan, beyôm bikela betan, bitoñe mintômba bi ne mbu wua bitan, asu metuna'a me nlatane ngbwa: mvean Eliasaf e mone Deuél ñwô le.

⁴⁸ Evete bone b'Efrayim é nga zu e môse zamgbwale, jôé na Elisama e mone Amihud.

⁴⁹ Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon, asu mimvean;

⁵⁰ beta *élaé or besikel awôm, njalan a ôlobinda,

⁵¹ étoñe nnôme nya'a jia, nnôme ntômba wua, étoñe ntômba jia asu mvean ô ne ngumba,

⁵² nnôm ékela wua asu metuna'a me *njaman abé,

⁵³ nya'a ébaé, beyôm mintômba bebaé, beyôm bikela betan, bitoñ mintômba bi ne mbu wua bitan asu metuna'a me nlatane ngbwa: mvean Elisama e mone Amihud ñwô le.

⁵⁴ Evete bone be Manasé é nga zu e môse Muam, jôé na Gamliél e mone Pédasur.

⁵⁵ Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean.

⁵⁶ Beta *élaé or besikel awôm, njalan a ôlobinda;

⁵⁷ étoñe nnôme nya'a jia, nnôme ntômba wua, étoñe ntômba ô ne mbu wua, jia asu mvean ô ne ngumba,

⁵⁸ nnôm ékela wua asu metuna'a me *njaman abé,

⁵⁹ benya'a bebaé, beyôm mintômba betan, beyôm bikela betan, bitoñe mintômba bi ne mbu wua bitan, asu metuna'a me nlatane ngbwa: mvean Gamliél e mone Pédasur ñwô le.

⁶⁰ Evete bone be Bényamin é nga zu e *môs ébulu, jôé na Abidan, e mone Gidéôni.

⁶¹ Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean.

⁶² Beta *élaé or besikel awôm njalan a ôlobinda,

⁶³ étoñe nnôme nya'a jia, nnôme ntômba wua asu metuna'a me ne ngumba,

⁶⁴ nnôm ékela wua asu metuna'a me *njaman abé,

⁶⁵ benya'a bebaé beyôm mintômba betan, beyôm bikela betan, bitoñe mintômba bi ne mbu wua bitan asu metuna'a me nlatan ngbwa: mveane Abidan e mone Gidéôni, ñwô le.

⁶⁶ Evete bone be Dan é nga zu e *môs awômô, jôé na Ahiézer e mone Amisadayi.

⁶⁷ Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean;

⁶⁸ beta *élaé or besikel awôm njalan a ôlobinda;

⁶⁹ étoñe nnôme nya'a jia asu mvean ô ne ngumba;

⁷⁰ nnôm ékela wua asu metuna'a me *njaman abé.

⁷¹ Benya'a bebaé, beyôm mintômba betan, beyôm bikela betan, bitoñe mintômba bi ne mbu wua bitan asu metuna'a me nlatane ngbwa: mvean Ahiézer e mone Amisadayi ñwô le.

⁷² Evete bone b'Azér é nga zu e *môs awômô a wua, jôé na Pagiél e mone Okran.

⁷³ Mveane wé ô mbe avale di: be'e sila besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an mbon asu mimvean;

⁷⁴ beta *élaé or njalan besikel awôm, njalan a ôlobinda,

⁷⁵ étoñe nnôme nya'a jia, nnôme ntômba wua, étoñe ntômba ô ne mbu wua jia asu mvean ô ne ngumba;

⁷⁶ nnôm ékela wua asu metuna'a me *njaman abé;

⁷⁷ benya'a bebaé, beyôm mintômba bebaé, beyôm bikela bebaé, bitoñ mintômba mi ne mbu wua bitan asu metuna'a me nlatane ngbwa: mveane Pagiél e mone Okran ñwô le.

⁷⁸ Evete bone be Néftali é nga zu e *môs awômô a baa, jôé na Ahira e mone Enan.

⁷⁹ Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean;

⁸⁰ beta *élaé or besikel awôm njalan a ôlobinda;

⁸¹ étoñe nnôme nya'a jia, nnôme ntômba wua, étoñe ntômba ô ne mbu wua jia asu mvean ô ne ngumba,

⁸² nnôme ntômba wua asu metuna'a me *njaman abé;

⁸³ benya'a bebaé, beyôm mintômba betan, beyôm bikela betan, bitoñe mintômba mi ne mbu wua bitan asu metuna'a me nlatane ngbwa: mvean Ahira e mone Enan ñwô le.

⁸⁴ Mimvean mise bivete ya menda me bôte y'Israél bi nga ve éyoñ ya mveane Zambe a ntelan ata'a metuna'a étyi mi mbe avale di: bebe'e be argent awôm a mebaé, bilaé bi argent awôm a bibaé, beta bilaé bi or fe awôm a bibaé.

⁸⁵ Be'e ase a mbe besikel ntet a mewôm mela, *élaé ése besikel mewôme zamgbwa: besikel be argent bese toyini ébaé a mintete minyin avale sikel ya *tabernakel a né.

⁸⁶ Beta bilaé awôm a bebaé, jia ése y'été besikel awôm avale sikel ya *tabernakel a né a bebaé be mbe besikel ntet a mewôm mebaé, bese njalan a ôlobinda ba di'i.

⁸⁷ Beyôm benyak be mbe awôm a bebaé, a bitoñe mintômba awôm a bibaé bi ne mbu wua asu metuna'a me ne ngumba, a mimvean avut y'été, nalé fe beyôm bikela awôm a bebaé asu metuna'a me *njaman abé,

⁸⁸ beyôme benyak mewôm mebaé a benyin, beyôm mintômba mewôm mesaman, beyôm bikela mewôm mesaman, a bitoñe mintômba bi ne mbu wua mewôm mesaman asu metuna'a me nlatane ngbwa. Mimvean ya ve Zambe a telé ata'a metuna'a étyi mmie le.

⁸⁹ Eyoñ ése Môze a nga nyiin e *nda éndelé bendôba'ane na a laane Nti, a nga wô'ô tyiñe jé; *tyiñ éte é mbe é so'o e zañe Bekerubim bebaé a ébuta'a éwolo é nga bili biôme y'élate yôp. Avale te nde Zambe a mbe a kobô'ô a nye.